Версия для слабовидящих

Ижын ортче «Усьты ымдэ – 2018» шара лыдӟонъя чемпионат

Ижын ортче «Усьты ымдэ – 2018» шара лыдӟонъя чемпионат

31-тӥ южтолэзе 12.00 часэ Удмурт кун филармонилэн пичи залаз ортчоз быдэс Россиысь «Усьты ымдэ – 2018» шара лыдӟонъя чемпионатлэн быръён турез. Ижысь этапез радъя Йӧскалык лыдӟетъюрт. Милям партнеръёсмы – Удмурт кун филармония но «Оранжевая студия» печатланъя компания.

«Усьты ымдэ – 2018» шара лыдӟонъя Россиысь чемпионат ортче 2011-тӥ арысен. Радъясез – «Лыдӟонъя йӧскалыккуспо федерация» (партнеръёсыз – «Ясная Поляна» литературая премия но  электроактустической приборъёсты поттонъя «Октава» огазеяськон).

 

Быръён турын куинь раунд луоз. Нырысетӥ раундын чемпионатэ пыриськисьёс ӝог веранъёсты но лимерикъёсты лыдӟо. Кыкетӥ раундэ потэмъёслы шара лыдӟоно луоз прозаысь яке поэзиысь люкет. Лыдӟисьёслы ужзэс вольыт но янгышатэк вераны кулэ – сое эскероз жюри. Куинетӥ раунд сӥземын Андрей Вознесенскийлэн вордскемез дырысен 85 ар тырмонлы – финалэ потэмъёс поэтлэсь кылбуръёссэ быдэстозы.

 

Вань текстъёсты радъясьёс азьвылгес ик дасялозы. Ӵошатскисьёс огзы бере огзы пото, адӟытэк быръё одӥгзэ люкетэз но дасяськытэк сое быдэсто.

 

Ижысь чемпионатын вормисьёс пыриськозы улосвылысь полуфиналэ, кудӥз ортчоз Казаньын, нош отын вормизы ке, соослы Москвае, финалэ, ветлоно луоз.

 

Чемпионатэ котькуд мылкыд карись пыриськыны быгатэ. Со понна Лыдӟонъя улосвылкуспо федерацилэн вотэсбамаз куриськон кельтоно: http://www.biblioring.ru/join.

 

Чемпионатлэн катъёсыныз но куронъёсыныз тодматскыны луоз «КонтактЫн» мерлыко вотэсысь огинын: https://vk.com/event162106729 но Ижысь радъясьёслы вазиськыса:  Ольга Александровна Юшина, социогуманитарной но естественнонаучной литературая ёзэтэн кивалтӥсез, телефонэз – (3412) 97-22-70, uoa@unatlib.org.ru.

Похожие материалы (по тегу)

03.04.18

Чемпионат по чтению вслух «Открой рот – 2018» в Ижевске

31 марта в малом зале Удмуртской государственной филармонии прошел городской отборочный тур Всероссийского чемпионата по чтению вслух «Открой рот – 2018». Организатором ижевского этапа конкурса выступила Национальная библиотека УР при партнерской поддержке Удмуртской государственной филармонии и печатной компании «Оранжевая студия».

11.03.16

НБ УР провела отборочный этап чемпионата «Открой рот»

6 марта Национальная библиотека УР провела городской отборочный этап ежегодного Всероссийского чемпионата по чтению вслух «Открой рот». Мероприятие проходило в конференц-зале Удмуртской государственной филармонии.

Яндекс.Метрика

Возник вопрос?

Будем рады вам помочь
Подробнее