Версия для слабовидящих

«Удмурт шаер» клубын Атыкай музъемез утисьёслэн нуналзылы сӥзем пумиськон

«Удмурт шаер» клубын Атыкай музъемез утисьёслэн нуналзылы сӥзем пумиськон

20-тӥ тулыспалэ 17.00 часэ Йӧскалык лыдӟетъюртын (Удмурт урам, 264-тӥ юрт) ортчоз «Удмурт шаер» клублэн пумиськонэз. Ужрад сӥземын Атыкай музъемез утисьёслэн нуналзылы. Клубе куное ӧтемын Чайковский карысь «Дэмен» огазеяськонэн кивалтӥсь В. П. Аристова.

Валентина Петровна Аристова вордскемын Пичи Пурга ёросысь Шор Кечолын, али улэ Пермь улосвылысь Чайковской ёросысь Зипуново гуртын, аслаз ёросаз удмуртлыкез утён бордын ужа.

 

Та уж борды со басьтӥськиз, улоназ шуг югдур кылдэмен. Чечняын война мыныку, Валентина Петровналы отчы ветлоно луиз пизы утчаны. Чечня пыр потэмез Валентина Аристовалэсь улонзэ воштӥз, тросэз шоры мукет синмын учкыны кутскиз. «Чечняын мон валай, мар со анай кыл, – маде Валентина Петровна. – Пиме утчакум, кури, солдат колоннаосысь азьпал радэ Удмуртиысь но Пермь улосвылысь егитъёс мед потозы шуыса. Соослы удмурт кылын вазиськи. Кыӵе паймылӥзы но шумпотӥзы соос, мурт шаерын вордскем кылзылэсь чузъяськемзэ кылыса.

 

В. П. Аристовалэн пизэ утчаса шедьтэмез сярысь учыр вылэ пыкиськыса гожтэмын Елена Миннигараева журналистлэн но писательлэн «Кытын тон, пие?» чеберлыко повестез. Пумиськон дыръя Елена Васильевна мадёз повестьсэ гожтэмез но анайлэн подвигезлы сӥзем темаез усьтэмез сярысь, аслэсьтыз тодэ ваёнъёссэ мадёз Валентина Петровна Аристова но.

 

Чайковский карысь куноос – Роман Владимирович Налимов гордумалэн депутатэз но Елена Александровна Имайкина  лулчеберетъя, искусствоя но егитъёслэн политиказыя комитетлэн тӧроез вералозы В. П. Аристоваен но «Дэмен» лулчеберетъя йӧскалык центрен валче ужамзы сярысь.

 

Ужрадэ пыриськозы Удмурт Элькунысь Лулчеберетъя но туризмъя министерствоысь ӧнерчиос, мер огазеяськонъёсэ пыриськисьёс но журналистъёс.

 

Вань мылкыд карисьёсты ӧтиськом. Пыронэз дунтэк. Юалляськоно 72-89-09 номеро телефонъя.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru