Версия для слабовидящих

«Книжная среда» лыдӟиськон кунокуа толшоре

«Книжная среда» лыдӟиськон кунокуа толшоре

12-тӥ толшоре 18.00 часын кар проектъёсъя «Лифт» штабын (Пушкин урам, 216-тӥ юрт) Йӧскалык лыдӟетъюрт радъя кылбурчиен но прозаикен Татьяна Репинаен пумиськон.

Татьяна вордскемын Ижын, быдэстӥз Удмурт университетысь кылосбуръя факультетэз но Краков университетысь магистратураез, али улэ Петыркарын. Ужа поляк но ӟуч кыллы дышетӥсь луыса, дуннеез котыръя, поэтической проектъёсты но программаосты радъя. Егит писательёслэн йӧскалык форумзылэн стипендиатэз луэ (Муско). Татьяна «Монография: пишет один человек» (Ижевск, 2013) но «Без глав» (С.-Пб., 2014)  кылбур бичетъёслэн авторзы. Творчествоеныз (вотэсэ ужъёссэ поттэ «Та. Репина» нимын) тодматскыны луэ «Стихи.ру»вотэсбамын но «ВКонтакте» мерлыко вотэсын.

 

«Лифтын» Татьяна тодматоз «Цитаты» нимо выль проектэныз. Со малпамын Анна Амиянц туспуктӥсен валче. Таяз радэ кылбурет огазеяськоз эшшо одӥгеныз искусствоен – туспуктэмен. «Цитатаос» - со открыткаослэсь серия, кудӥз возьматэ, кызьы Уйпал шоркарын кылдэ асьмелэнэз, Ижкарысез. Со валэктэ, кызьы кык дуннеос ог-огзэсты цитировать каро».

 

Пумиськонэ вуозы ӧтем куноос: Мария АбихАлександр МитряковЮрий Титов, –Татьяна сямен ик, соос пыриськылӥзы  «Брезентовая цапля» кылбур лыдӟонъёсы но Лыдӟиськон кунокуалэн ужрадъёсаз.

 

Вань мылкыд карисьёсты ӧтиськом.

Пыронэз дунтэк.

 

P. S. Пумиськон дыръя тунсыко открыткаос вузаськозы.

 

Яндекс.Метрика

Возник вопрос?

Будем рады вам помочь
Подробнее