Версия для слабовидящих

«Ческыт пумитаськом Выль арез!» адӟытон

«Ческыт пумитаськом Выль арез!» адӟытон

Толсуре техникая но гурт удыс литературая ёзын (Вормонлы 30 ар, 14-тӥ юрт) ужа «Ческыт пумитаськом Выль арез! Сиён-юон рецептъёс» адӟытон ужа.

Выль ар праздникъёс – тужгес но яратоноосыз. Соос шулдыргес мед ортчозы шуыса, азьвылгес ик сюлмаськоно семьяез но ӵыжы-выжыез шумпоттон понна, малпано тунсыко сиён-юон пӧран сярысь.

 

Адӟытонлэн нырысетӥ люкетэз тодматоз пӧртэм книгаосын. Соос пӧртэм пумо кенеш сётозы: кызьы дорын пумитано эшъёсты, радъяно банкетэз, закускаосын яке нылпи праздниклы ӝӧквыл дасяно; тодэ вайытозы этикетлэн куронъёсыз сярысь, дышетозы бырйыны ӝӧккышетъёс но посуда («Праздничный стол. Этикет», люказ Л. И. Белых но мукетъёс; «Праздничный стол», люказ. В. М. Рошаль).

 

Кӧс утисьёслы тунсыко луоз И. Г. Константиновалэн «Новогодний и Рождественский праздничный стол» книгаез. Автор сочельниклы но Ымусьтонлы пӧртэм пумо сиён-юон дэмла.

 

Праздниклы дасям ӝӧк вылэ одно ик пуктоно салат. Сое пӧраны дышетэ И. В. Барбелюклэн «Великолепные салаты» альбомез. Книга нимызлы тупа – котькуд рецепт борды итэмын чебер туспуктэм.

 

Дорады лыктэм калыкез коктейлен куноятыны луэ. Коктейль дасяны юрттоз Петер Борманлэн «Коктейли со всего света» книгаез – отчы пыртэмын 1444 рецепт но пыр-поч валэктэмын коктейле пырись ингредиентъёсты суран амалъёс.

 

Коктейль сярысь кылпум потэм бере, кудӥз асьме дорысь Ӝытпал Европаысь вуиз, малы бен уд ортчыты ӝытэз «кунгож сямен». Яке, оло, тӥляд кунгож сьӧрысь куноосты вуозы?Соку тӥледлы умой юрттэт луоз А. П. Люкилэн «Как принять гостей. Европейский этикет» книгаез. Отчы пыртэмын трос пумо деликатес сиёнъёслэн рецептъёссы, пӧлазы – француз кухняысь но.

 

Йӧспӧртэм сиён-юон но пӧраны луэ, со понна нуналмысь кутӥськись бакча сиёнъёсты кутыны луэ. Кылсярысь, Ферлаг Эткер немец кулинарлэсь но «Доктор Эткер» фирмаез кылдытӥсьлэсь рецептъёсызъя пӧраськид ке. Ферлаг Эткер пӧртэм калыкъёслэсь сиён-юонъёсын тунсыко рецептъёссэ люкаса, 19-тӥ даурын быдэс коллекция кылдытӥз. «Терра» книгапоттонни ӟуч кылэ берыктыса быдэс серия печатлаз. Со озьы ик нимаське – «Доктор Эткер». «Сӥль», «Салат», «Картошка», «Печенье», «Соусъёс», «Шер пумиськись бакча сиён» нимасько серилэн нимысьтыз выпускъёсыз.  

 

Берытскоме Россияе – асьмеос праздникез яратӥськом йылпумъяны ческыт десертэн. Пӧрасьёслы дэмлаломы Т. Г. Филатовлэн, В. М. Рошальлэн «Выпечка и десерты»; «Праздничная выпечка»; Ю. С. Колгановлэн «Сладкая фантазия. Торты и пирожные» книгаосты – соос дышетозы чечым пыжиськемъёсы дасяны (пирог, печення, коврижка, торт но пӧртэм пумо ыльняньлэсь пирожной).

 

Вань мылкыд карисьёсты адӟытонэ ӧтиськом.

Жингыртоно 50-31-84 телефон номеръя.

Яндекс.Метрика

Возник вопрос?

Будем рады вам помочь
Подробнее