Версия для слабовидящих

«Прозаысь лирик: Р. Г. Валишинлэн вордскемез дырысен 80 ар» адӟытон

«Прозаысь лирик: Р. Г. Валишинлэн вордскемез дырысен 80 ар» адӟытон

Толсуре Йӧскалык лыдӟетъюртысь Йӧскалык но шаертодон литературая но библиографияя центрын (Удмурт урам, 264-тӥ юрт) ужа «“Прозаысь лирик”: Р. Г. Валишинлэн вордскемез дырысен 80 ар» адӟытон.

Роман Галяскарович Валишин (1937–1979) – удмурт писатель, журналист, УАССР-ысь кун премилэн лауреатэз («Тӧл гурезь» повестез понна 1980-тӥ арын пусъемын).

 

Вакчи улонэз куспын Роман Валишин усьтӥськиз аспӧртэмлыко писатель сямен, вылӥ ӟечлыко произведениосыныз удмурт литератураез вылӥе ӝутӥз. Геннадий Красильников бордысен кутскем психологической прозаез азинтыса, Роман Валишин аслаз гожъямъёсаз герӟаз туала улонэз адямилэсь характерзэ, лирической повествование пыр возьматӥз солэсь сюлмаськонъёссэ, шӧдонъёссэ.

 

Р. Валишинлэн произведениосыз – «Инвожо уйшоре но пиштэ» (1974) но «Тӧл гурезь» (1978) пыремын 9-тӥ–11-тӥ классъёслы удмурт литературая программае. 2004-тӥ арын «Память Удмуртии» элькун программалэн юрттэмезъя печатламын Роман Валишинлэн быръем произведениосын «Незамерзшие цветы» бичетэз.

 

Та ужъёс сяна, адӟытонын калык азе поттэмын Р. Валишинлэн веросъёсын бичетъёсыз («Вальс» 1966; «Первый снег», 1971; «Родники», 1973) но творчествоез сярысь тодослыко ужъёс: А. А. Ермолаевлэн «Удмурт литература но сое кылдытӥсьёс» (2012) книгаез, Л. П. Федоровалэн «Внутренний мир и внешняя речь в рассказах Г. Красильникова и Р. Валишина» (Формирование и развитие литературных языков народов Поволжья. Ижевск, 2003), И. Т. Камидуллиналэн «Музей Романа Валишина» (Вордскем кыл. 2015. № 10) статьяосыз но мукет.

Яндекс.Метрика

Возник вопрос?

Будем рады вам помочь
Подробнее