Версия для слабовидящих

«Подвижник издательского дела» адӟытон

«Подвижник издательского дела» адӟытон

Ар пумозь Йӧскалык лыдӟетъюртысь шер пумиськылӥсь но дуно ужкагазъёсын ёзэтын (Пушкин урам, 200-тӥ юрт, 17-тӥ каб.) ужалоз «Подвижник издательского дела» книга адӟытон. Со сӥземын Петр Петрович Сойкинлэн вордскемез дырысен 155 ар тырмонлы.

Ӟуч ужбергатӥсь, калыкез югдытӥсь Петр Петрович Сойкин (1862–1938) ӝыны даур книга поттон ужен выриз. Со 80 миллионлэсь ятыр книга печатлаз, 32 журнал (куд-огез 20 ар ӵоже арнялы быдэ яке толэзьлы кык пол потылӥзы) но 7 газет поттӥз. П. П. Сойкинлэн книгапоттонниез 1885-тӥ арын кылдытэмын вал, 20-тӥ даурын солэсь печатлам ужъёссэ быдэс дунне тодӥз.

 

Адӟытонын тодматскыны луэ П. П. Сойкин сярысь биографической литератураен, озьы ик издательствояз печатлам книгаосыныз. Соос пӧлын – ӟуч но кунгожсьӧр гожъяськисьёслэн люкам сочинениоссы, техникая но тодосъя книгаос, серияен потӥсь печатлосъёс но журналъёсын печатлам изданиос, со сяна, асьсэос журналъёс, ӟуч но кунгожсьӧр тодосчиослэн люкам сочинениоссы но мукет.

 

Адӟытонэ поттэм печатлосъёс пӧлын тросэз Йӧскалык лыдӟетъюртмы кылдэмез дырысен возисько.

 

Пыр-почгес экспонатъёс сярысь лыдӟыны луэ «Книга синпельметъёс» сайтын.

Яндекс.Метрика

Возник вопрос?

Будем рады вам помочь
Подробнее