Версия для слабовидящих

«Калыклы библиотека: 1920-тӥ аръёсысь удмурт югдытон книгаос»

«Калыклы библиотека: 1920-тӥ аръёсысь удмурт югдытон книгаос»

Шуркынмон толэзьлэн шорозяз Йӧскалык библиотекаысь шер пумиськылӥсь но дуно документъёсъя ёзэтын ужалоз «Калыклы библиотека: 1920-тӥ аръёсысь удмурт югдытон книгаос» адӟытон.

Адӟытонын возьматэмын 1922-тӥ–1929-тӥ аръёсы «Удкнига» книгапоттонниын но СССР-ысь калыкъёслэн центральной издательствоын печатлам книгаос но брошюраос.

 

Дунтэм книгаослэн кылдон мугзы герӟаськемын ужасьёсты но крестьянъёсты югдытонэн, малы ке шуоно 1920-тӥ аръёсы кунын кивалтэт воштӥськиз, тодослэн но техникалэн азинскеменыз тодматыны кулэ вал. Та вакытэ трос печатласькиз мер но политика, дышетон, гурт удыс литература, тазалыкез утёнлы, чылкыт улонлы сӥзем ужъёс. Тросэз книгаос ӟуч кылысь берыктэмын вал.

 

Адӟытонысь ужъёсын тодматскыса, валаны луэ удмурт книга поттонлэсь кутсконзэ. Югдытӥсь печатлосъёс огшоры калык доры мед вуозы шуыса, сое дунтэм карыса печатланы тыршизы. Книгаосты печатлазы газет кагаз вылын, тросэз соос ӝог быризы. Соин котькуд экземпляр туэ синпельмет сямен утиське.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru