Версия для слабовидящих

Герман Ходыревлэн вордскемез дырысен 85 ар тырмонлы сӥзем литературая но крезьгуръя ӝыт

Герман Ходыревлэн вордскемез дырысен 85 ар тырмонлы сӥзем литературая но крезьгуръя ӝыт

17-тӥ октябре 18.00 часэ Эшъяськон юртын (Орджоникидзе, 33а номеро юрт ) ортчоз Герман Ходыревлэн вордскемез дырысен 85 ар тырмонлы сӥзем ӝыт. Г. А. Ходырев (1932–1995) – удмурт нылпи поэт но писатель, Удмуртиысь калык кылбурчи, вордскемын Алнаш черкогуртын.

Ӝыт радъямын Йӧскалык лыдӟетъюртлэн «Удмурт Элькунын Алнаш ёрос литературалэн нуналъёсыз» проект улсын. Проектлэн ужрадъёсыз 2017-тӥ ар ӵоже мыно.

 

Г. А. Ходыревлэн улэмез но творчествоез сярысь, солэн удмурт литератураез но йӧскалык лулчеберетэз азинтонын ужамез сярысь мадёзы кылосбур тодосъя доктор Татьяна Ивановна Зайцева но Удмурт Элькунысь искусство удысын дано ужась, крезьгурчи но музыковед Юрий Львович Толкач. Кылбурчилэн аслаз библиотекаысьтыз книгаосыныз тодматоз Йӧскалык библиотекаын ужась Лариса Александровна Дмитриева. Кылем арын  Г. А. Ходыревлэн семьяез библиотекалы поэтлэсь книгаоссэ кузьмаз . Атаез сярысь вераськоз нылыз Марина Германовна Ходырева.

 

Ӝыт дыръя возьматозы Герман Ходыревлы сӥзем видеофильмъёс – кылбурчилэн вордскем Алнаш ёросэз, Ижысь 20 номеро школаысь Г. Ходырев нимо литература музей но «Нылпиос Герман Ходыревез лыдӟо» шара лыдӟисьёслэн ӵошатсконзы сярысь ужъёс. Ӝытын кырӟалозы Г. А. Ходыревлэн кылъёсызъя гожтэм кырӟанъёс, лыдӟозы поэтлэсь кылбуръёссэ.

 

Ужрадэ ӧтемын элькунысь министерствоосын но ведомствоосын ужасьёс, Алнаш ёросысь куноос, библиотекаосысь ӧнерчиос, тодосчиос но мер огазеяськонъёсэ пыриськисьёс, дышетӥсьёс но студентъёс.

 

Ужрад ӟуч кылын ортчоз. Вань мылкыд карисьёсты ӧтиськом. Пыронэз дунтэк.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru