Версия для слабовидящих

«Тиль Уленшпигель но Шарль де Костер: калык мадёсысен книгаозь» адӟытон

«Тиль Уленшпигель но Шарль де Костер: калык мадёсысен книгаозь» адӟытон

17-тӥ–31-тӥ коньывуонэ библиотекамылэн кунгожсьӧр кылын литературая ёзэтаз «Тиль Уленшпигель но Шарль де Костер: калык мадёсысен книгаозь» адӟытон ужалоз.

Адӟытон сӥземын Бельгиысь француз кылын гожъяськисьлэн Шарль де Костерлэн вордскемез дырысен 190 ар тырмонлы но солэн «Легенда об Уленшпигеле и Ламме Гудзаке, об их доблестных, забавных и достославных деяниях во Фландрии и других краях» романзэ печатламез дырысен 150 ар тырмонлы.

 

Шарль де Костерлэн нимыз Бельгиысь калыклы тужгес но дуно. Тросэз шуо, «Уленшпигель» бордысен кутскиз Бельгилэн литератураез, солы луыса 1867-тӥ арын 31-тӥ толсуре («La Légende d’Ulenspiegel» романлэн потэм нуналэз) нациялэн асваланэз вордӥськиз. «Таиз нырысетӥ книга, кудаз асьме элькунмы ассэ шедьтӥз» – гожтӥз Бельгиысь француз кылын гожъяськись кылбурчи но драматург Эмиль Верхарн. «Фламандилэн Библиеныз» нимаз де Костерлэсь книгазэ бельги писатель, искусствовед но критик Камиль Лемонье.

 

Тиль Уленшпигель – немец, нидерланд легендаосысь но калык книгаосысь герой, нош солэн агай-вынъёсыз – Петрушка но Ходжа Насреддин. Калык герой сярысь мадёсъёсты огинэ люкаса, Шарль де Костер «вордскем шаерезлэсь книгазэ» (К. Лемонье) кылдытӥз.

 

Адӟытонын «Уленшпигель сярысь мадёслэн» пӧртэм берыктэмъёсыз возьматэмын. Кылсярысь, 1948-тӥ арын потэм «Уленспигель сярысь мадёсэз» (гожтэмез озьы!) берыктӥз Аркадий Георгиевич Горнфельд. Со ик романэз нырысьсэ ӟуч кылэ берыктӥсь луиз, текстысь кырӟанъёссэ ас сяменыз берыктӥз Г. Оболдуев. Мукетаз книгаын Горнфельдлэн текстаз пыртэмын С. Вышеславцеваен берыктэм кылбуръёс. Со сяна, адӟытонын возьматэмын Николай Любимовен берыктэм роман.

 

Адӟытонэ поттэм книгаослы иллюстрациос дасязы тодмо ӟуч но кунгожсьӧр суредасьёс. Соос пӧлын – дано иллюстратор но кунгожсьӧр поэзиез берыктӥсь Павел Львович Бунин, Совето Союзысь калык художник Евгений Адольфович Кибрик, Совето Союзысь калык художник Федор Денисович Константинов, РСФСР-ысь калык художник Дмитрий Спиридонович Бисти, художник Юлий Александрович Боярский; Бельгиысь суредась Франс Мазерель.


Шарль де Костерлэсь книгазэ лыдӟыны но иллюстрациостсэ учкыны туж кема луэ, малы ке шуоно, татын вань философиез но, историез но, психологиез но, трагедиез но серекъянэз но!

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru