Версия для слабовидящих

А. Н. Лодыгин изобретальлэн вордскемез дырысен 170 ар тырмонлы сӥзем адӟытон

А. Н. Лодыгин изобретальлэн вордскемез дырысен 170 ар тырмонлы сӥзем адӟытон

Коньывуонэ техника но гурт удыс литературая ёзэтын ужа «Как Эдисон у Лодыгина лампочку украл» адӟытон. Со сӥземын Александр Николаевич Лодыгин изобретальлэн вордскемез дырысен 170 ар тырмонлы.

Электрической лампочкаез одӥг гинэ мурт ӧз малпа. 19-тӥ даурлэн кутсконаз электрической лампаен юртъёсыз югдытон бордын ужазы ини. Ӟырдась лампалэн историеныз тодмато «Техника в ее историческом развитии» бичет, Н. Я. Надеждиналэн «История науки и техники» но К. В. Рыжовлэн «Сто великих изобретений» книгаосыз, Г. Б. Лялькиналэн «История искусственного освещения» (Вестник Пермского национального исследовательского политехнического ун-та. 2015. № 2) статьяез.

 

Ӟырдась лампаосты умоятон бордын трос тыршиз ӟуч изобретатель Александр Николаевич Лодыгин. Со нырысьсэ кутӥз спирале позыртэм ӟырдась вольфрам сӥньысэз. Со ик нырысетӥез луиз, кин лампа пушкысь омырез кыскытыны кутскиз, ужан дырзэ трослы будэтыса. Мукетыз А. Н. Лодыгинлэн малпанэз, кудӥз лампалэсь ужан вакытсэ кузятӥз – сое инертной газэн тырмытон.

 

1874-тӥ арын Тодосъя академия Лодыгинлы Ломоносовской премия сётӥз. Изобретениез понна привилегиос Лодыгинлы сётэмын вал Франциын, Великобританиын, Бельгиын, Испаниын но мукет кунъёсын. 1890-тӥ арын усточи США-ын басьтӥз корт сӥньысэн ӟырдась электрической лампалы патент.

 

1906-тӥ арын Лодыгинлэн патентсэ дунтэк дунэн General Electric компаниялы вузамез, кунгож сьӧрын но вордскем шаераз улэм-вылэмез сярысь, озьы ик мукетыз усто изобретатель Томас Альва Эдисон сярысь, кудӥз Лодыгинэн малпам лампаез умоятыса, сое вузаны кускиз, – та сярысь тодыны луоз адӟытонэ поттэм книгаосысь: Л. Н. Жуковлэн «Лодыгин» ( «ЖЗЛ» серия, 1983-тӥ но 1989-тӥ ар.); Л. Гаевлэн «Изобретатель в России всё равно что пария...» ( «От махин до роботов» бичетын); В. И. Ковалевлэн «История техники»; Л. Д. Белькиндлэн «Александр Николаевич Лодыгин», «Томас Альва Эдисон. 1847–1931» («Научно-биографическая серия») но мукет ужъёсысь.


Техникалэн историеныз тунсыкъяськись муртъёсты ӧтиськом.


Адресэз: Вормонлы 30 ар ульча, 14-тӥ юрт.
Телефонэз: 50-31-84.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru