Версия для слабовидящих

«Биография азьланьтӥське: В. В. Путинлы – 65 арес»

«Биография азьланьтӥське: В. В. Путинлы – 65 арес»

Коньывуонэ Йӧскалык лыдӟетъюртлэн социогуманитарной но естественнонаучной литературая ёзаз «Биография азьланьтӥське: В. В. Путинлы – 65 арес» книга адӟытон ужа. Отын возьматэмын Россияысь президентлэн улонэзлы но ужамезлы сӥзем печатлам ужъёс.

Адӟытонлы ним сётӥз книгаосын серия – «ЖЗЛ: Биография азьланьтӥське», кудзэ печатла «Молодая гвардия» книгапоттонни. Cо сяна, издательство тодмо «Жизнь замечательных людей» сериеныз. Со сӥземын асьсэ удыссэс азинлыко нуись адямиослы, та сериын печатласькиз Рой Медведевлэн «Владимир Путин» книгаез. Героезлэсь улэм-вылэмзэ возьматыса, автор ачиз сямен валэктыны турттэ «Путинлэсь феномензэ» – политической гинэ ӧвӧл, национальной лидерез но, кудӥз Россиялы азьланезлы оскон сётыны быгатӥз.

 

Александр Рарлэн «Владимир Путин. “Немец” в Кремле» книгаяз эскеремын президентлэн сямъёсыз, малпанъёсыз но вамышъёсыз. Со сяна, Россиялэн, Европалэн, США-лэн политикаез. Та книгаысь мукет персонажъёс – КГБ, ФСБ агентъёс, демократъёс, олигархъёс, коммунистъёс –  «бадӟым политика» пьесаын рользэс нуись муртъёс.

 

Президент Путин власте лыктэм бере россиянъёс оскыны кутскизы: страна дунне аренаын азьвыл сямен кужымлыко луоз. Тодмо: мукет кунъёсын кусыпъёс лидерлэн сямыныз герӟаськемын. Та ласянь тунсыко О. Г. Овчинниковалэн но К. Е. Халинлэн «Путин, Блэр, Буш: биографии и аналогии» книгаез. Со «политфэнтези» амалын гожтэм уж, Россиялэн, США-лэн но Англиялэн кивалтӥсьёссы возьматэмын, кызьы шуо, галстуктэк но протоколтэк.

 

Адӟытонэ поттэмын мукет печатлам ужъёс но – В. В. Ивановлэн «Партия Путина. История “Единой России”» книгаез, «План Путина 2007–2010: послание Президента в цифрах и схемах» бичет; историялы но политикалы сӥзем обзоръёс: В. В. Согринлэн «Политическая история современной России. 1985–2001. От Горбачева до Путина», О. Хлобустовлэн «Госбезопасность от Александра I до Путина: 200 лет тайной войны», Е. В. Анисимовлэн «История России от Рюрика до Путина. Люди. События. Даты» но мукет авторъёлэн ужъёссы.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru