Версия для слабовидящих

«Удмуртиез эскериськом» интерактив ӵошатскон

«Удмуртиез эскериськом» интерактив ӵошатскон

4-тӥ коньывуонэ Кузебай Герд нимо Йӧскалык музейын «Удмуртиез эскериськом» интерактив конкурс кутскоз. Проектлэн кичӧлтӥсез – Йӧскалык лыдӟетъюрт, юрттэт сёто Удмурт Элькунысь Лулчеберетъя но туризмъя, Дышетонъя но тодосъя министерствоос, Удмурт Элькунысь туриндустрилэн федерациез, «Турист» компаниослэн группазы но Йӧскалык музей.

Ӵошатсконлэн ужрадъёсыз кутско 2017-тӥ арын коньывуон толэзе, йылпумъясько 2018-тӥ арын оштолэзе. Ижысь 4-тӥ–6-тӥ но 7-тӥ–8-тӥ классын дышетскисьёс Удмуртилэн историезъя но лулчеберетэзъя тодон-валанзэс эскерозы. Визьсынанъя шудонъёс ортчозы вирнуналэ 10.00 но 14.00 часэ. 

 

Котькуд шудон дыръя ортчоз Йӧскалык лыдӟетъюртысь шаертодос адӟытонъя лекция, викторина но Йӧскалык музейысь адӟытонэн тодматскон. Котькуд команда «Туристлэсь паспортсэ» басьтоз. Отчы вормисьёс жетонзэс лякылозы.

 

Шудӥсьёс визьзэс сыналозы таӵе темая:

 

Коньывуон

«Удмуртилэн инкуазез: экологиялы сӥзем ар» – удмурт шаерысь тужгес но утёно сэрегъёс: паркъёс, заповедникъёс, инкуазь синпелетъёс (Йӧскалык музейлэн адӟытонэз – «Удмуртилэн инкуазез»)

 

 Шуркынмон

«Инмын, ву но музъем вылтӥ: Ижысь транспортлэн историез» – нырысетӥ автомобильёс но мотоциклъёс, автобус, трамвай, теплоход, аслобет (Йӧскалык музейлэн адӟытонэз – «Мото Победа» или «От ижиков до фиксиков»)

 

Толсур

«Удмуртиысь калыкъёс дауръёс пыр» - калыкъёслэн сям-йылолъёссы но лулчеберетсы (Выль арлы сӥзем юмшанъёс) (Йӧскалык музейлэн адӟытонэз – «Ческыт вакыт. Пельменная экскурсия» яке «Рождество да святки»).

 

Тулыспал

«Азьвыл Ижкартӥ виртуал мынон-ветлон. Карлэн историез 20-тӥ даурлэн кутсконаз» - Ижысь калык, урамъёс, юртъёс, ужрадъёс (Йӧскалык музейлэн адӟытонэз – «Молюсь за тех и за других»).

 

Южтолэзь

«Удмуртиын лэсьтэмын: инсьӧрын лобан но заводъёс» (Йӧскалык музейлэн адӟытонэз – «Ижевск. Шаг в космос»)

 

Оштолэзь

«Быдӟым Вормон ваёнэ Удмуртилэн пыриськемез» (Йӧскалык музейлэн адӟытонэз – «Великие сражения эпохи – год 1943-й» яке «Мы ковали Победу в тылу»)

 

Конкурсын вормисьёслы кузьмалозы дипломъёс, вормисьёс куспы шедьымтэос конкурсэ пыриськемзы сярысь свидетельство басьтозы.

 

Ужрадэ пыриськон сярысь юанъёсын вазиськоно Юлия Юрьевна Михалевалы (тел. 89128785929). 

Похожие материалы (по тегу)

20.02.17

Стартовал конкурс «Интерактивное путешествие “Изучаем Удмуртию”»

17 февраля в Центре национальной и краеведческой литературы и библиографии НБ УР прошла первая интеллектуальная игра конкурса «Интерактивное путешествие “Изучаем Удмуртию”». Инициатором проекта выступила Национальная библиотека УР при поддержке Министерства культуры и туризма и Министерства образования и науки УР, Федерации туриндустрии УР, группы компаний «Турист» и проекта «Открывая Удмуртию».

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru