Версия для слабовидящих

Р. Шкляева композиторен но «Рябиновая осень» ансамблен пумиськон

Р. Шкляева композиторен но «Рябиновая осень» ансамблен пумиськон

28-тӥ куарусёнэ 18.00 часэ Йӧскалык но шаертодон литературая но библиографияя центрын (Удмурт урам, 264-тӥ юрт) «Тӧро сэрег» ортчытэ Римма Ивановна Шкляева самодеятельной композиторен но «Рябиновая осень» ансамблен пумиськон.

Р. И. Шкляева аслаз кылбуръёсызъя но мукет удмурт кылбурчиослэн текстъёсызъя кырӟанъёс гожъя. Творчествояз пӧртэм темаос возьматэмын: Быдӟым ож, ужасьёсты данъян, вордскем шаерез, матысь муртэз яратон.

 

Р. И. Шкляевалэн кылбуръёсыз но кырӟанъёсыз печатласько ёрос но элькун газет-журналъёсын. Со витьтонлэсь ятыр кырӟанъёс гожтӥз, кудъёсыз «Вунонтэм Мукши палъёс»(2001) но «Сюлэм гуръёс» (2008) бичетэн но кырӟан дискен потӥзы.

 

Ужрадэ пыриськозы Р. И. Шкляевалэн эшъёсыз, коллегаосыз, лулчеберет удысын ужась ӧнерчиос. Соос пӧлын – «Мукшинское» муниципал кылдытэтлэн тӧроез Анатолий Степанович Брюхачев, Мукши школаысь удмурт кылъя но литературая дышетӥсь, Ашальчи Оки нимо премилэн лауреатэз Надежда Кирилловна Гильманшина, литературатодосчи Александр Григорьевич Шкляев но ӝытлэн мукет куноосыз.  

 

Ӝыт дыръя кырӟалоз «Рябиновая осень» (кивалтӥсез – Р. И. Шкляева) ансамбль. Ужрадлы дасямын «Улон гердъёс» адӟытон. Со композиторлэн творчествоез сярысь ужъёсын тодматоз, озьы ик Р. И. Шкляевалэн архивысьтыз туспуктэмъёс возьматэмын луозы.

 

Ужрад удмурт кылын ортчоз.


Вань мылкыд карисьёсты ӧтиськом.

Пыронэз дунтэк.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru