Версия для слабовидящих

Кӧшкемыт, дэймытӥсь тугаськем учыръёсты мадьыны усточи: Стивен Кинглэн юбилеезлы

Кӧшкемыт, дэймытӥсь тугаськем учыръёсты мадьыны усточи: Стивен Кинглэн юбилеезлы

19-тӥ–30-тӥ куарусёнэ кунгожсьӧр кылъя ёзын (Удмурт урам, 264-тӥ юрт) ужа Стивен Кинг америка писательлэн юбилеезлы сӥзем «Мастер интриг, мистики и ужасов» книга адӟытон ужа.

21-тӥ куарусёнэ асьме вакытысь тужгес но тодмо писательлы – хорроръя мастерлы Стивен Эдвин Кинглы 70 арес тырме. «Дэймытӥсь эксэйлэн» 200-лэсь ятыр ужъёсыз – соос миллионэн-миллионэн печатламын ини. Сое нылпиос но мӧйыос, пиосмуртъёс но нылкышноос лыдӟо. Кияз книга кутӥсьтэм мурт но Кингез тодэ –гожтэмъёсызъя кинофильмъёс пуктэмын. Книгаос сямен ик, та фильмъёс асьсэлы учкись шедьтӥзы, данъетъёс басьтылӥзы, трос номинациосы сюрылӥзы.

 

Адӟытонэ пыртэмын Стивенг Кинглэн кунгожсьӧрын потэм англи печатлосъёсыз но, Россиын ӟуч кылэ берыктэмъёсыз но:

  • «Мертвая зона» (The Dead Zone) роман потэм бере, асьме лыдӟисьёс тодматскизы Стивен Кинген. Со «Локус» (Locus Award for Best Fantasy Novel) премилэн номинантэз луиз фэнтези романэз понна; 
  • «Темная башня» (The Dark Tower) тодмо циклысь книгаос – соос гожтэмын фэнтези, ужас, тодос фантастика, вестерн но мукет жанръёслэсь тодметъёссэс асэстыса. Мадё Роланд Дискейн ожгарчилэсь дуннелэсь дӥньзэ – Пеймыт башняез утчамез сярысь. Отчы тубыса, адӟыны луэ дуннеен кивалтӥсез но, оло, дуннеез ыштэм радлыке но пыртыны луэ;
  • чаляк бестселлерлы пӧрмем 1986-тӥ арын печатлам «Оно» (It) роман. «Локус» премилэн но «Дунневыл фэнтези премилэн» (World Fantasy Award) номинациосаз пыремын. Адӟытонын тодматскыны луоз В. А. Веберен вакчиятонъёстэк берыктэм уженыз. 
  • Стивен Кинглэн тужгес но ӟечез произведениез -  «Противостояние» (The Stand) роман. Литературной критикъёс умоен дунъязы та ужез, литературной премиослэн пӧртэм номинациосаз пыртэмын;
  • «сундукын возем» (авторлэн верамезъя) «Блейз» (Blaze) роман. Со гожтэмын 1973-тӥ арын, нош печатламын 2007-тӥ арын Ричард Бахман псевдонимен;
  • дунневыл апокалипсисэз суредась «Мобильник» (Cell) роман – вазь творчествоезлэн стиляз берытскемзэ возьматэ.

 

Адӟытонын юбилярлэн мукет ужъёсыз но возьматэмын. Англи кылэз дышетӥсьёслы дэмласьком Стивен Кинглэсь «Ночной летун» (The Night Flier) но «Кошка из ада» (The Cat from Hell) веросъёссэ, кудъёсыз Илья Франклэн лыдӟиськон амалэзъя тупатыса поттэмын. 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru