Версия для слабовидящих

Бородиноысь ожмаськонлы сӥзем адӟытон

Бородиноысь ожмаськонлы сӥзем адӟытон

Йӧскалык лыдӟетъюртысь социогуманитарной но естественнонаучной литературая ёзын (Удмурт урам, 199-тӥ юрт) куарусён толэзь пумозь ужа «...И клятву верности сдержали мы в Бородинский бой» адӟытон. Со сӥземын 1812-тӥ арысь Отечественной война дыръя ортчем Бородино бусыын ожмаськонлы 205 ар тырмонэзлы.

Бородино бусыын ортчем ожмаськон XIX даурысь тужгес но ӟырдытэз нюръяськон вал. Ожмаськонын вормисьсэ шуг висъяны (Наполеон ӟуч армиез ӧз вормы, Кутузов но Москваез ӧз утьы), нош историын та ожмаськон ӟуч оружилэсь данзэ возьматӥсен лыдъяське. 

 

Бородино бусыын ожмаськон сярысь мадё таӵе книгаос: Н. А. Троицкийлэн «1812. Великий год России», Л. В. Митрошенковалэн «На Бородинском поле», А. В. Шишовлэн «Сто великих героев 1812 года» но мукет ужъёс. Адӟытонэз радъясьёс дэмлало XIX даурлэн кутсконысьтыз политической азьветлӥсьёс Александр I, Наполеон но Кутузов сярысь тужгес но тунсыко печатлам ужъёсын тодматскыны.

 

Михаил Илларионович Кутузов ожгарчиез Россиын туж гажало но ярато. Кытысь кылдӥз та яратон? Ожлэсь историзэ эскерись тодосчи но писатель, Военной историяя институтысь тодосъя валтӥсь ӧнерчи Алексей Васильевич Шишов «Неизвестный Кутузов. Новое прочтение биографии» аслаз ужаз валэктон сётыны турттэ та юанлы. Книгае пыртэмын Михаил Илларионовичлэн гожтэтъёсыз но. 

 

Отечественной война вакытэ Александр I ӟуч эксэй котьку калык син азьын улӥз. Солэсь улэмзэ но кулонзэ пӧртэм сямен валэкто. «Александр I. Северный сфинкс» книгалэн авторез француз тодосчи Анри Труайя аслэсьтыз валэктонзэ сётэ. Труайялэн «Ӟуч биографиосыз» пӧртэм кылъёсы берыктыса печатласькизы. Дуннеын та ужъя Россиысь историез но лулчеберетэз дышето.

 

Дуннелэн историяз валтӥсь инты басьтэ Наполеон Бонапарт. Кыӵе вал солэн дан доры лёгем сюресэз? Ма бордын кужымез но кыӵе янгыш лэсьтэменыз сэрен сое пазьгизы? Тросэз тодосчиос малпало, Наполеон ӧз кулы – со быриз. «Быдӟым корсиканецлэн» ватосъёсыз усьтэмын Евгений Викторович Тарле тодмо ӟуч историклэн котькуд европа кылэ берыктэм «Наполеон» книгаяз.



Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru