Версия для слабовидящих

«Книга узырлык. Псалтирь» адӟытон усьтӥськоз

«Книга узырлык. Псалтирь» адӟытон усьтӥськоз

14-тӥ южтолэзе 12.30 часэ Йӧскалык лыдӟиськоннилэн шер пумиськылӥсь но дуно ужкагазъёсын ёзэтаз (Пушкин урам, 200-тӥ юрт) ортчоз «Книга узырлык. Псалтирь» адӟытонэз усьтон ужрад. Экспозициын возьматэмын луоз лыдӟиськоннилэн фондысьтыз черк вӧсь ортчытон литература.

Православной книгалэсь нуналзэ пусъён 2010-тӥ арын юнматэмын вал, 1564-тӥ аре 14-тӥ южтолэзе (вуж стилья 1-тӥ южтолэзе) нырысетӥ печатлам ӟуч книгалэсь – Иван Федоровлэн «Апостолэзлэсь» потэмзэ чакласа.

 

Христианъёслэн лулчеберетазы валтӥсь инты басьтэ Псалтирь – Инмарлы сӥзем гимнъёсын но тау карон кырӟанъёсын бичет. Со – вуж Сӥзёнэ пырись одӥгез библейской книга, соин экспозициез усьтозы Библиялэн шер пумиськылӥсь изданиосыз. Соос пӧлын – XVIII даурын печатлам палёмытӥсь гравюраосын «Елизаветинской» нимаськись Библия. 

 

Трос дауръёс ӵоже Русьын Псалтырь, нуналлы быдэ лыдӟоно вӧсь ортчытон книга луэмез сяна, ӟуч адями понна улонлы дышетон валтӥсь книга вал. 150 псалмъёсын книгаысь сюжетъёс, мотивъёс но солэн кылыз пыӵазы фольклоре но шор дауръёсысь литературае. Псалтырез грамоталы дышетыны кутӥзы. Адӟытонлэн кыкетӥ люкетаз пыртэмын Псалтырьлэн пӧртэм аръёсы печатлам изданиосыз. Кылсярысь, соос пӧлысь тужгес но вужез Муско типографиын 1834-тӥ арын потэмын. Адӟытонын возьматэмын луоз Псалтирьлэн кык вариантэз - Псалтырь следованная (1875 г.) но Псалтырь учебная (1898 г.).

 

Адӟытонлэн куинетӥ люкетаз пыртэмын Синодлэн типографияз XX даурлэн пумаз печатлам книгаос: Аврамий Фирсовен берыктэм Псалтырь (1863). Книга потэмын «Славян но ӟуч письменностьлэн синпельметъёсыз» сериын, текстлэн ог люкетэз вашкала ӟуч кылын печатламын, мукетаз пыртэмын туала тодос эскеронъёс но указатель. Со сяна экспозициын возьматэмын М. Г. Атамановен удмурт кылэ берыктэм Псалтырьлэн кык фин изданиосыз.  

 

Адӟытон усьтон нуналэ пумиськонъёс ортчозы Ижысь но Удмурт епархиысь священникъёсын но «Русский лад» Быдэс Россиысь созидательной движениысь удмурт ёзаз пыриськисьёсын.

 

Адӟытон толэзь ӵоже ужалоз. Вань мылкыд карисьёсты ӧтиськом. Пыронэз дунтэк.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru