Версия для слабовидящих

«Россия электрон дуннеын» вожвылъяськонлэн йылпумъянэз ортчоз Йӧскалык лыдӟиськон юртын

«Россия электрон дуннеын» вожвылъяськонлэн йылпумъянэз ортчоз Йӧскалык лыдӟиськон юртын

14-тӥ–16-тӥ южтолэзе Йӧскалык лыдӟиськон юртысь Азьмурт библиотекалэн лыдӟиськон бӧлетаз (Ломоносов урам, 9-тӥ юрт) нырысьсэ ортчоз Россиын арлы быдэ радъяськись  «Россия электрон дуннеын» вожвылъяськонлэн 3-тӥ люкетэз. 

Туэ финалэ потӥз Удмуртиысь 5 дышетскись. 

 

«Россия электрон дуннеын» – Азьмурт лыдӟет юртлэн тужгес но тодмо, трос улосъёсын ортчылӥсь ӵектос. Интерактив ӵектос «Россилэн историез», «Мертодос» («Обществознание») но «Ӟуч кыл» предметъёсъя ортчытӥське, дышетскисьёс Россия кунлэн историезъя но туала вакытэ азинскемезъя ужъёсты ӟечгес мед тодозы шуыса. Дышетскисьёс куд-ог юанъёслы мур валэктонъёс шедьтыны быгатозы, XIX но XX даурлэн кутсконаз потэм книгаосын но дышетсконын юрттэт сётӥсь бичетъёсын пыр-поч тодматскыса. Соосты шедьтыны луэ Азьмуртлэн библиотекаезлэн порталысьтыз.

 

«Мертодос» но «История» предметъёсъя «Россия электрон дуннеын» вожвылъяськон Россиысь дышетсконъя но тодосъя министерствоен дэмлам олимпиадаос пӧлы пыриз. Соин та ӵошатсконын вормисьёслы вылӥ дышетсконние пырыны тросгес луонлыкъёс сётӥськозы. 

 

Пыӵам сямъя, олимпиада куинь люкетэн ортче. Нырысетӥ но кыкетӥ люкетэ пыриськисьёслы дорысьтызы потытэк висъям дыр ӵоже олимпиадалэн порталаз сётэм ужъёсты быдэстоно. Талы луыса, вожвылъяськонэ пӧртэм улосъёсысь дышетскисьёс пыриськыны быгато. Куинетӥез этапаз ачид луыны кулэ. 


Пыр-почгес - олимпиадалэн вотэсбамаз.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru