Версия для слабовидящих

Россиысь филокартистъёслэн союззылэн азьмуртэныз А. А. Мелитонянэн пумиськон

Россиысь филокартистъёслэн союззылэн азьмуртэныз  А. А. Мелитонянэн пумиськон

1 мартэ 11.00 часэ Йӧскалык лыдӟиськонниын (Удмурт урам, 264-тӥ юрт) А. А. Мелитонянэн, Россиысь филокартистъёслэн огазеяськонзылэн президентэныз, пумиськон ортчоз.

Тодады вайытомы, нырысьсэ Арсен Аркадьевич библиотекае вуылӥз кылем арын 5-тӥ куартолэзе. Соку со 200 экспонат кузьмаз Йӧскалык библиотекалы, кунгожсьӧр открыткаосын коллекцияе, кудзэ люкало библиотекаысь  кунсьӧр кылъёсъя ёзэтын ужасьёс. Туэ филокартистъёслэн огазеяськонзылэн президентэныз пумиськон кутскоз сыӵе ик умой ужрад бордысен – А. А. Мелитонян данъет сётоз библиотекаын ужасьёслы – Филокартияя но посткроссингъя улосвылкуспо I адӟытонэ пыриськисьёслы. Адӟытон Пермь карын 2016-тӥ аре 10-тӥ–27-тӥ толсуре радъяськиз. Жюриен дунъямын таӵе экспонатъёс: «Ландышлэн лулыз» (авторез – Е. А. Иванова) но «Пичи Удмуртия бадӟым киноын» (авторъёсыз – Е. А. Иванова, Л. В. Огородникова, Н. Д. Бобылева но мукетъёс). 

 

Собере А. А. Мелитонян «Открытка – вакытлэн адӟисез» лекция мадёз: кунмылэсь историзэ но лулчеберетсэ утён ужын открыткалэсь кулэлыксэ возьматоз, тодматоз Кировысь ӟуч открыткалэн музеезлэн ужаменыз но Россиын филокартилэн азинскеменыз. Пумиськон бере вань мылкыд карисьёс А. А. Мелитонянлэсь юалляськыны быгатозы коллекционирование сярысь, Россиысь филокартистъёслэн огазеяськонъёслэн ужаменызы, «Открытка» адӟытонъёс понна экспонатъёслы куронъёс сярысь. 

 

Вань мылкыд карисьёсты ӧтиськом.

Пыронэз дунтэк.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru