Версия для слабовидящих

«Удмурт шаер» клуб выль книгаен тодматсконэ ӧте

«Удмурт шаер» клуб выль книгаен тодматсконэ ӧте

Таяз радэ тӧр шорамы – туж тодмо но гажано адями – Анатолий Ермилович Матвеев но солэн «Выжы ке юн, ачид но йӧн» книгаез. 

Книгаын автор вера аслаз выжыез сярысь. Чумолё гуртысь потэм Матвеев семьялэн 200 ар ӵоже улэм-вылэмез Удмуртилэн быдэс историеныз герӟаса возьматэмын. Анатолий Матвеевлэн Алексей песятаез Алнаш ёрослэн азьветлӥсез вал. Со пумиськылӥз Трокай Борисовен но Иосиф Наговицынэн, Москвае Михаил Калинин доры вуылӥз. 

 

Аслаз А. М. Матвеевлэн, партиын но кун кивалэтын вылӥ постъёсын ужам адямилэн, кузь улон сюресэз тунсыко. Али но Матвеев выжыос пушъё. Вера но Анна Красноваос – ужбергатӥсьёс, бисерен дизайнерской чеберъяськонъёс лэсьто, Алексей Америкаын университетын дышетэ. 

 

Ма бордын адямилэн улонын азинскемез, улонтӥ йыг-йыг вамышъямез? Матвеев аслаз книгаеныз, Матвеев семьялэсь сямъёссэ но шаерлэсь улэм-вылэмзэ возьматыса, та юанлы валэктон сётэ.

 

Йӧскалык библиотекалэн «Удмурт шаер» клубез ортчоз 14-тӥ тулыспалэ 17.00 часын Удмурт урамысь 264-тӥ юртын. Пумиськонэ ӧтемын тунсыко куноос. Вань мылкыд карисьёсты но ӧтиськом!

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru