Версия для слабовидящих

«Удмуртилэн крезьгуро культураез» адӟытон

«Удмуртилэн крезьгуро культураез» адӟытон

6-тӥ тулыспалэ Эшъяськон юртын ортчись  «Национально-культурное пространство: традиции и современность»  VII улосвыл тодос конференция понна Йӧскалык лыдӟиськонни нимысьтыз радъя «Удмуртилэн крезьгуро культураез» адӟытон.

Конференция – проектлэн оглюкетэз, кудзэ валче ортчыто Удмурт Элькунысь Лулчеберетъя но туризмъя министерство, Йӧскалык политикая министерство, Эшъяськон юрт, Крезьгуръя элькун колледж, Удмурт кун университет, Татарстанысь социокультурной ӧрысь но искусство удысысь ӧнерчиослэсь тодон-валанзэс будэтонъя Институт, Удмурт Элькунысь композиторъёслэн союззы, историяя, кылъя но литературая Удмурт институт, Йӧскалык музей, Ижкар администрациысь лулчеберетъя но туризмъя Управление.

 

Адӟытонын Йӧскалык библиотекаен люкам книгаос но ужъёс пыр возьматэмын крезьгур лулчеберетлэн историез но туала вакытэ азинскемез. Экспозицие поттэмын Удмуртиысь композиторъёслэн Г. Корепановлэн, А. Корепановлэн, Г. Корепанов-Камскийлэн, Н. Греховодовлэн, Ю. Болденковлэн, С. Черезовлэн, Н. Шабалинлэн, Е. Копысовалэн улэмзы но творчествозы сярысь книгаос, Со сяна возьматэмын Элькунысь Операя но балетъя кун театр, Удмурт кун капелла, «Италмас», «Айкай», «Чипчирган», «Танок» но мукет крезьгур коллективъёс, сярысь статьяос но книгаос. 

 

Адӟытонын мультимедийной изданиосын но тодматскыны луоз. Соос пӧлын: «Петр Ильич Чайковский но Удмуртия» библиографияя указатель, «Удмурт крезьгурлэн зарни даурез» антология, крезьгуръёсын бичетъёс но удмурт кырӟасьёсын («Италмас» кырӟанъя но эктонъя кун ансамбльлэн концертъёсыныз, Геннадий Корепанов-Камскиен быдэстэм кырӟанъёсын) грампластинкаос но мукет.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru