Версия для слабовидящих

Инкуазь утёнлы сӥзем «Мынам удмурт шаере» элькун конкурс

Инкуазь утёнлы сӥзем «Мынам удмурт шаере» элькун конкурс

20-тӥ толшорысен 14-тӥ оштолэзёзь Йӧскалык лыдӟиськонни «Мынам удмурт шаере» инкуазез утёнлы сӥзем тужгес но умоез проектлы элькун конкурс ялэ. Вожвылъяськон ортче Россиын но Удмуртиын Экологияя но нимысьтыз утёнэз кулэ карись интыосъя арез пусъён радын. 

Конкурслы «Удмуртиез утьыса!» девиз быръемын. 

 

Вожвылъяськонэз ортчытонлэн меретъёсыз (цельёсыз): элькунысь инкуазь но дауръёс ӵоже возиськем интыос но будосъёс сярысь ивортодэт люкан, экологиын кылдэм югдурен но Удмуртилэн инкуазь утён сямъёсыныз егитъёсты но нылпиосты тодматон, библиотекаослэн инкуазь утёнъя югдытон ласянь ужаменызы тодматскон но сое вӧлмытон, экология темаен книгаосты но лыдӟиськонэз дэмлан но радъян.

 

Конкурс куинь ӧръя ортче:

  • «Мынам Удмуртия: этнос, лулчеберет, инкуазез утён» (Удмуртиысь калыкъёслэн историенызы, лулчеберетэнызы, сям-йылолъёсынызы герӟаськем интыослы но дауръёс ӵоже возиськем интыослы но будосъёслы сӥзем шаертодонъя тодос ужъёс);
  • «Вордскем шаерлэсь инкуазьзэ утьыса» (Инкуазез утёнлы сӥзем библиотекаын ортчытоно ужрадъёслэн сценарийёссы, юрттэтъёс но мукет ужъёс: адӟытонъёс, литературая гостинойёс, акциос но мукет);
  • «Экокнига» (инкуазь утён, пӧйшуръёс но будосъёс сярысь книгаослы буктрейлеръёс).

Котькуд мылкыд карись конкурсэ пыриськыны быгатэ – нимысьтыз авторъёс яке авторъёслэн коллективъёссы: школаосын но нылпи садъёсын инкуазь утён понна кылдытэм огазеяськонъёс но мукет. 

 

Куартолэзе ортчоз конкурсын вормисьёсты сӥё-дано ӟечкылан.


Пыр-почгес ивортодэт – конкурс сярысь положениын.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru