Версия для слабовидящих

«Кузебай Герд: толон но туннэ» лекция

«Кузебай Герд: толон но туннэ» лекция

14-тӥ толшоре 16.30 часэ Йӧскалык лыдӟиськоннилэн Йӧскалык но шаертодон литературая но библиографияя центраз (Удмурт урам, 264-тӥ юрт) ортчоз «Кузебай Герд: толон но туннэ» лекция. Со радъямын Кузебай Гердлэсь вордскем нуналзэ пусъён но быдӟым удмурт азьветлӥсез, кылбурчиез но тодосчиез сӥлы карон понна. 

Кузебай Герд (К. П. Чайников) вордскиз 1898-тӥ арын 14-тӥ толшоре Покчивуко гуртын (туала Вавож ёрос). Улонэз куспетӥ луиз сталинской лагеръёсын. Вакчи дыр куспын К. Герд трос лэсьтыса вуттӥз. Со тыршиз удмурт калык понна, солэсь лулчеберетсэ азинтон, удмурт кылэз улонэ пыӵатон понна. Гердлэн удмурт лулчеберет но мерлыко улонэз азинтонын ужамез тодмо но споръяськонтэм. Но котьку озьы-а малпазы? 

 

Ӧтем лектор – А. Г. Шкляев, кылосбур тодосъя кандидат, УдГУ-ысь журналистика кафедраысь доцент, аслаз докладаз вералоз, кызьы пӧртэм вакытъёсы К. Гердлэн творчествоезлы но калыкен ужамезлы дунъетъёс вошъяськизы, возьматоз, кызьы туала вакытэ кылбурчилэн но азьветлӥсьлэн югыт малпанъёсыз улонэ пыӵало. 

 

Лекция йылпумъяськем бере котькуд лыктэм мурт быгатоз К. Герд сярысь аслэсьтыз мылкыдзэ вераны, калык азьын кылбурчилэсь произведениоссэ лыдӟыны. Ӝытэз йылпумъяса, люкаськемъёс кылбурчилэн синпелетэз доры мынозы, солэсь кылбуръёссэ лыдӟозы, сяськаос понозы. 

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru