Версия для слабовидящих

«Удмурт газетлэн вылтусыз. Йӧскалык периодикалэн историез» пичи адӟытон

«Удмурт газетлэн вылтусыз. Йӧскалык периодикалэн историез» пичи адӟытон

Толшор толэзе Йӧскалык библиотекалэн шер пумиськылӥсь но дуно документъёсын ёзэтаз (Пушкинской урам, 200-тӥ юрт) мынэ «Удмурт газетлэн тусыз. Йӧскалык периодикалэн историез» пичи адӟытон. Дасям экспозиция тодматэ 1910-тӥ–1920-тӥ аръёсысь газетъёсын но газет поттонлы сӥзем ужъёсын. 

Удмурт периодикалэн кутсконэз герӟаськемын кык карен – Вяткаен но Елабугаен. Вяткаын огвакытэ потӥзы  «Войнаысь ивор»  (1915), «Удморт» (1918), «Югыт сюрес» (1919), Елабугаын - «Выль синь»  (1918) но «Сюрло» (1920) газетъёс. 1918-тӥ арысен удмурт кылын валтӥсь ивор вӧлмытӥсь луиз «Гудыри» газет. 

 

Адӟытонэ лыктэм муртъёслы тунсыко потозы «Гудыриен» печатлам книгаос – лыдӟисьлы но гожъясьлы нимысьтыз юрттэтъёс. Озьы, 20-тӥ аръёсы редакция поттӥз «Газетэ гожъясьлы салам» (1925), «Газет лыдӟисьлы кыл валэктон» (1926) но «Рабселькорлы юрттэт» (1929, авторез - Александр  Миронов) книгаос. Соос будэтӥзы удмурт лыдӟисез, рабселькорлы валэктӥзы, кызьы но ма сярысь гожъяно. Газет дышетӥз нимысьтыз грамматической катъёсъя гожъяськыны. Озьы со литературной удмурт кылэз кылдытонын но азинтонын валтӥсь инты басьтӥз.

 

«Гудырилэн» авторъёсыз – тодмо удмурт писательёс – книгаосазы чеберлыко амалъёс пыр валэктылӥзы газетлэсь калыклы котыр ласянь пайда ваемзэ. Адӟытонэ поттэмын Кедра Митрейлэн «Вужгурт» (1926) повестез, Иван Векшинлэн «Шулдыр даур» (1927) кылбур бичетэз, 1920-тӥ аръёсысь тодмо педагоглэн Антон Ларионовлэн «Ужаса дышетскон мылкыд» (1927) нылпиослы лыдӟон книгаез.

 

Со сяна экспозиция возьматэ удмурт печатьлэн историезлы сӥзем ужъёсты но – Я. И. Ильинлэсь «Рой книг»  (1929), Г. Д. Фроловалэсь «Удмуртская книга. История книгопечатаниия. Современная книга» (1982) но мукет изданиосты. 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru