Версия для слабовидящих

«Удмурт шаер» клубын куноын Нина Ермолаева

«Удмурт шаер» клубын куноын Нина Ермолаева

17-тӥ толшоре 17.00 часэ Йӧскалык библиотекалэн  йӧскалык но шаертодон литературая но библиографияя центраз (Удмурт урам, 264-тӥ юрт) азьланьтӥськоз «Удмурт шаер» клублэн ужез. Таяз радэ пумиськонэ ӧтемын Нина Георгиевна Ермолаева – журналист, редактор, публицист, кылысь кылэ берыктӥсь, Удмурт Элькунысь сӥе-дано журналист, Россия Федерациысь журналистъёслэн союззылэн ёзчиез.

Нина Георгиевна Ермолаева вордӥськиз Иваново улосвылысь Шуя карын. Быдэстӥз МГУ-ысь журналистикая факультетэз. 1958-тӥ–1965-тӥ аръёсы Удмуртской книжной издательствоысь гурт удыс литературая ёзэтэн кивалтӥз, 1966-тӥ–1970-тӥ аръёсы ужаз Ижысь телевидениын, 1970-тӥ–1989-тӥ аръёсы Гурт удысъя министерстволэн но Гурт удысъя удмурт кун опытной станцилэн научно-технической ивортодэтъя но валэктон-вӧлмытонъя ёзэтэзлэсь ужзэ радъяз. 

 

Н. Г. Ермолаева – теле-, радиопередачаос кылдытӥсь, публицистической статьяослэн но книгаослэн авторзы луэм сяна, ӟуч кылэ удмурт прозаез берыктӥз.  Писателен пумиськон понна нимысьтыз дасям адӟытонын Н. Г. Ермолаевалэн вань печатлам ужъёсыз возьматэмын луозы. Соос пӧлын: 

  • ӟуч но удмурт книгаос («Море бывает всякое», «Нюша, Павлуша и Я», «Натӥ, Пави но мон»);
  • гурт удысын тыршисьёс, кибашлы муртъёс сярысь очеркъёсын книгаос («Разноцветные встречи», «Ложится на душу узор», «Притяжение земли», «Одоление», «Биография успеха», «Вокруг молока»);
  • берыктэмъёс (В. Садовниковлэн «Туганай но Зара», Е. Самсоновлэн «Арама кузя», П. Блиновлэн «Улэм потэ», М. Петровлэн «Ӟардон азьын» книгаоссы);
  • тодэ ваёнъёс («Алексей Ермолаев, известный и незнаемый», «Плачет душа»);
  • Н. Г. Ермолаеваен люкам но дасям бичетъёс («Десять выдающихся имен удмуртской литературы = Удмурт литератураысь дас дано ним», «Кузебай Герд. Посмертная маска», «Об удмуртской литературе», «Удмурт литература но сое кылдытӥсьёс», «Удмурт литератураысь дас дано ним»).

Пумиськонэ ӧтемын Удмурт кун университетысь дышетӥсьёс но студентъёс, журналистъёс, писательёс, "Удмуртия" книгапоттонниын ужасьёс.

 

Пыронэз дунтэк. Вань мылкыд карисьёсты ӧтиськомы!

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru