Версия для слабовидящих

Лыдӟиськон кунокуаын С. Вострокнутов кылбурчиен пумиськон

Лыдӟиськон кунокуаын С. Вострокнутов кылбурчиен пумиськон

14-тӥ толсуре 14 часэ Удмурт кун филармонилэн пичи залаз (Пушкинской ур., 245) Лыдӟиськон кунокуа сузьет улсын Сергей Вострокнутов сукыр кылбурчиен пумиськон ортчоз.

Сергей Вострокнутов вордскиз Вотка карын 1975-тӥ арын. Вить аресъем дыръяз, шудтэм учыре шедьыса, сукыр кылем, соин ик Якшур-Бодьяысь нимазъям (специализированной) школаын дышетскиз. Дас кык аресысен кылбураны кутскиз. Ижысь эм колледжез йылпумъяз, али Вотка карысь 2-тӥ номеро больницаын массажист луыса ужа.

 

С. Вострокнутовлэн кылбуръёсыз «Мы воткинцы» но «Ожерелье судьбы» (элькунысьтымы сукыр кылбурчиослэн сборниксы) бичетъёсын, «Литераторы Воткинска» альманахын, «Луч» литературно-художественной журналын печатласькизы, «И счастье хоть во тьме найду…» (2002) но «Осколок упавшей звезды» (2006) нимаз книгаосын потӥзы. 2009-тӥ арын потэм «Ностальжи» бичетэ философи эссеосыз пыризы, нош 2009-тӥ аре ик потэм «О детях и для детей» книгаез нырысь ик покчи лыдӟисьёслы сӥземын. «На волнах мечты» (2013) кылбур сборник дышем формаен сяна, куараен, зӧк шрифтэн но рельефно-точечной форматэн потӥз. Али дыре выль бичет печатласькыны дасяське.

 

Удмурт Элькунысь гожъяськисьёслэн огазеяськонзылэн ёзчиезлэн С. Вострокнутовлэн кылбуръёсызлы огаз рецензиын тазьы пусъемын: «Сергей Вострокнутов, поэт, не видящий красок дня, в своих стихах показывает, что не обязательно видеть мир, главное – его чувствовать. <...> Его волнуют вечные... вопросы: в чем смысл человеческой жизни, каково предназначение поэта, как обрести свое счастье, как сохранить в душе любовь, детскую непосредственность и искренность...» (А. Брагина).

 

Сӧсыр луыса но Сергей Вострокнутов туж аспӧртэмлыко, мыло-кыдо адями. Компьютерен ужа, социальной вотэсъёсы пыриське, крезьгурен тунсыкъяське, гитараен шудыны дышетске. Ужрадын Сергей Вострокнутов кылбуръёссэ лыдӟоз, со сяна чуръёсыз вылэ гожтэм кырӟанъёс, эшъёсызлэн-кылбурчиослэн пӧртэм кылъёсын гожтэм но ӟуч кылэ С. Вострокнутовен берыктэм кылбуръёссы чузъяськозы. Мылкыд карисьёс автографен книгаоссэ басьтыны быгатозы.


Пыронэз дунтэк.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru