Версия для слабовидящих

Д. С. Лихачевлэн 110 ар тырмонэзлы сӥзем книга адӟытон

Д. С. Лихачевлэн 110 ар тырмонэзлы сӥзем книга адӟытон

Шуркынмон пумозь Удмурт Элькунысь йӧскалык библиотекалэн социогуманитарной но естественнонаучной ёзэтаз «“Следуйте путями доброты”: Д. С. Лихачевлэн 110 ар тырмонэзлы» сӥзем книга адӟытон ужалоз.

Дмитрий Сергеевич Лихачев (1906-1999) – Совето Союзысь но Россиысь кылтодосчи, культуролог, искусствовед, РАН-ысь академик, ӟуч литературалэн но лулчеберетлэн историзэс эскеронъя бадӟым ужъёслэн авторзы.

 

Адӟытонэ пыризы Д. С. Лихачевлэн пӧртэм аръёсы гожтэм книгаосыз – тодослыко ужъёс, малпаськонъёс, ваче вераськонъёс, тодэ ваёнъёс. Адӟытонлэн шорсюлмыз – 2006-тӥ арын потэм куинь томъем ужез «Воспоминания. Раздумья. Работы разных лет». Изданиез академиклы 100 ар тырмон вакытэ Пушкинский Дом огазеяськон дасяз. Нырысетӥяз томе Дмитрий Сергеевичлэн пинал дырысьтыз ужъёсыз, гожтэтъёсыз пыризы, Пушкинский Домлэн Рукописной ёзэтаз утиськись архивысь материалъёс; кыкетӥяз – «Д. С. Лихачевлэн записной книжкаысьтыз статьяос но заметкаос, кудъёсыз герӟаськемын Россилэн историез сярысь, ӟуч лулчеберетлэн историяз Петербурглэн интыез сярысь,  ӟуч интеллигенцилэн адӟонэз сярысь, лулчеберетлэн вань аспӧртэмлыкъёссэ утёнлэн ужпумъёсыз сярысь малпаськонъёсын». Куинетӥ томе литературалэн теориез но историез сярысь нимысьтыз ужъёсыз пыризы – «Очерки по философии художественного творчества» (1996), «Великое наследие» (1975) но «Литература – Реальность – Литература» (1981) книгаосысь люкетъёс.

 

Адӟытонэ научно-биографической ужъёс но пыртэмын: Валерий Поповлэн ЖЗЛ сузьетысь книгаез; Александр Запесоцкийлэн «Культурология Дмитрия Лихачева» – Д. С. Лихачевлэн пӧртэм тодослыко мерасэз сярысь,творчествоез но улонэз сярысь нырысетӥез бадӟым эскерон; Екатерина Гениевалэн «Великие спутники. Необычный библиотечный роман» книгаысьтыз Д. Лихачевлы сӥзем люкетэз но мукет книгаос.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru