Версия для слабовидящих

Лыдӟиськон кунокуа шуркынмонэ

Лыдӟиськон кунокуа шуркынмонэ

26-тӥ шуркынмонэ 18 часэ Удмурт Элькунысь йӧскалык библиотекалэн Лыдӟиськон кунокуааз (Пушкинской ур., 200, Нылпиослы Элькун библиотека) Ижкарысь киноклублэн азьмуртэныз Андрей Смирновен пумиськон ортчоз.

Ижын улӥсь киноез яратӥсьёс умой тодо Андрей Смирновез. Пӧртэм кунъёсысь киноен тодматскон вылысь, со ӵем радъя одӥг нуналъем яке быдэс арня кыстӥськись фестивальёсты, кытын тодмо режиссёръёслэн но алигес гинэ та удысэ пыриськись муртъёслэн ужъёсынызы тодматскыны луэ, озьы ик аспӧртэмлыко артхаус киноен но, кудзэ асьме городын улӥсьёс мукет интыысь адӟыны уз быгатэ. 

 

Андрей Смирнов трос кунгож кылъёсты тодэ но котькуд ар тулысысен сӥзьылозь дуннеез котыръяса улэ, ӵемгес Европаысь кунъёсы вуылэ. Тужгес но яркыт учыръёсын, туспуктэмъёсын, сюрес вылын вордскем малпанъёсыныз Андрей соку ик Facebook-ысь эшъёссэ тодматэ. Тросэзлы тунсыко потӥз Португалиятӥ ветлэмез, малы ке шуоно пӧртэм культураос сярысь трос тодӥсь адямилэн аспӧртэмлыко учконъёсыз но ӵошатон манеръёсыз зол ас бордазы кыско. Андрейлэн гожъямъёсыз соку ик уно ваче вераськонъёсты кылдытӥзы но тросэзлэн гожъясьёслэн асэныз пумиськыны мылкыдзы ӝутскиз.

 

Лыдӟиськон кунокуаын тододы, мар со сыӵе «Португалиысь камино», кудзэ ортчиз Андрей Смирнов, юанъёстэс сётыны быгатоды. Со сяна Удмурт Элькунысь йӧскалык библиотекалэн фондъёсаз утиськись книгаосын – Португалилэн историез но лулчеберетэз сярысь изданиосын, португал классикъёслэн гожъямъёсынызы – тодматскыны быгатоды.

 

Возьмаськомы вань мылкыд карисьёсты.

 

Пыронэз дунтэк.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru