Версия для слабовидящих

«Казак Луганский: В. И. Дальлэн 215 ар тырмонэзлы»

«Казак Луганский: В. И. Дальлэн 215 ар тырмонэзлы»

Шуркынмон пумозь Удмурт Элькунысь йӧскалык библиотекалэн шер пумиськись но дуно документъёсын ёзэтаз ӟуч гожъяськисьлы, этнографлы но лексикографлы Владимир Иванович Дальлы (1801–1872) 215 ар тырмонэзлы сӥзем «Казак Луганский» книга адӟытон ортчоз.

Адӟытон кык люкетлы люкемын. Нырысетӥяз В. И. Дальлэн XIX-тӥ даурлэн пумаз но XX-тӥ даурлэн кутсконаз потэм гожъямъёсыз люкамын, кудъёсыз берло библиографической редкостьёс пӧлы пыризы. Соос пӧлын тодмо книга вузасьлэн но типографлэн Маврикий Вольфлэн поттэмъёсыз: кык томъем «Пословицы русского народа» (1879), 1882-тӥ но 1912-тӥ аръёсы поттэм «Толковый словарь живого великорусского языка», но В. Дальлэн литературной мерасэз – 1897–1898-тӥ аръёсы поттэм Полние собрание сочинений (изданилэн титульной бамаз гожъяськисьлэн кушемнимыз пусъемын – Казак Луганский). В. И. Дальлэн «физиологической» шуэм очеркъёсыз 1841-тӥ арын потэм «Наши, списанные с натуры русскими» альманахе пыртэмын. Та «нырысетӥ кильтро ӟуч издание» – книга вылтусъян искусстволэн одӥгез ӟеч возьматосэз – адӟытонэ факсимильной копиен пыртэмын.

 

Кыкетӥяз люкетэ В. И. Дальлэн биографиезлы но пӧртэм пумо ужъёсызлы сӥзем изданиос пыртэмын. Дален одӥг вакытэ улэмъёс вылӥ дунъязы литературной быгатонлыкъёссэ. В. Г. Белинский творчествозэ эскериз, со ужъёс пыртэмын XX-тӥ дауре потэм люкам бичетъёсаз. XIX-тӥ даурысь гожъяськислэн В. Русаковлэн «Русские самоучки и самородки» (1913) книгаяз жадёнэз тодӥсьтэм ӟуч кылэз но калыклэсь улэмзэ эскерись тодосчилэн улэмез сярысь гожтэмын. Адӟытонын озьы ик В. И. Далез эскерисьёслэн гожъямъёссы пӧлын луозы М. Булатовлэн «Собирал человек слова…» (1966) но М. Бессараблэн «Владимир Даль» (1968) книгаоссы, А. А. Чибилевлэн «В глубь степей» (1993) очеркъёсын книгаез, кудӥз Дальлэн Оренбург улосын нимысьтыз косэмъёсъя чиновник луыкуз естественной тодосъёсъя эскеронъёсыз сярысь вера.

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru