Версия для слабовидящих

«Православное просвещение народов Среднего Поволжья и Предуралья» конференция

«Православное просвещение народов Среднего Поволжья и Предуралья» конференция

11-тӥ шуркынмонэ 10 часэ Калыкъёслэн эшъяськон юртазы «Православное просвещение народов Среднего Поволжья и Предуралья» улосвылкуспо научно-практической конференция ортчоз.

Конференциез радъяло Удмурт Элькунысь йӧскалык лыдӟиськонни, Удмурт Элькунысь Йырызлэн Администрациез но Удмурт Элькунысь Правительство, Удмурт Элькунысь Лулчеберетъя но туризмъя министерство, Йӧскалык политикая министерство, Удмурт митрополия.

 

Ужрадлэн азьмугез – православной дышетонэз азинтонын черклэн, тодослыклэн но лулчеберетлэн ваче кариськыса ужамзы. Ужрадэ пыриськозы Ӟуч Православной Черкысь ӧнерчиос но мерлыко православной огазеяськонъёс, тодосчиос, шаерчиос, лыдӟиськонниосын но музейёсын ужасьёс.

 

Конференцилэн ужаз пыро пленарной заседание но «Изучение, популяризация и сохранение национального духовного наследия народов Среднего Поволжья и Предуралья» секция, кудӥз XXV Калыккуспо Ымусьтон дышетон лыдӟонъёслэн улосвыл этап улсын ортчоз, секциын таӵе юанъёс пуктэмын луозы: Поволжьеысь но Предуральеысь калыкъёсты православной дышетонлэн сямъёсыз; йӧскалык кылъёслэн азинсконазы православной культуралэн пытьыосыз; православной текстъёсты берыктонлэн ужпумъёсыз; православной миссионеръёслэн ужъёссэс эскерон, вӧлмытон но утён; егитъёсты дышетонын лыдӟиськонниослэн но Ӟуч Православной Черклэн ваче ужамзы.

 

Конференцилэн ужамез улсын выль изданиослэн презентацизы ортчоз – Библиысь канонтэм луись книгаосын бичет удмурт кылын (берыктӥз кылосбур тодосъёсъя доктор, протодиакон М. Г. Атаманов) но Удмурт Элькунысь йӧскалык библиотекаысь ӧнерчиосын дасям «Преосвященный Вениамин (В. Г. Пуцек-Григорович) – выдающийся религиозный просветитель удмуртов» биобиблиографиеской мультимедиа указатель. Элькунысьтымы пӧртэм музейёсын утиськись книгаосын но Удмурт Элькунысь йӧскалык библиотекаысь книгаосын адӟытон дасямын луоз.

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru