Версия для слабовидящих

«Православные монастыри: книжное дело» лекциосын сузьет

«Православные монастыри: книжное дело» лекциосын сузьет

Коньывуон-толсур толэзьёсы Удмурт Элькунысь йӧскалык библиотека Ижысь но Удмуртиысь епархиен но Элькунысьтымы духовно-нравственной дышетонъя колледжен ӵош «Православные монастыри: книжное дело» лекциосын сузьет ортчытозы. Ужрадъёс Афонысь ӟуч монашество сярысь нырысетӥ гожтэм синпелетлэн 1000 ар тырмонэзлы сӥземын.

Лекциосын Россиысь книгапоттонлэн азинскемезлэн историез возьматэмын луоз: кылзӥсьёс тодозы, нырысетӥ книгаос но библиотекаос нырысь ик монастырьёсын кылдӥзы шуыса, Удмурт Элькунысь йӧскалык библиотекалэн фондысьтыз киын гожтэм но нырысетӥ печатлам книгаосын тодматскозы.

 

Лекциосты нуоз педагогикая магистр, Элькунысьтымы духовно-нравственной дышетонъя колледжысь ректор, священник Максим Алексеевич Санников. Удмуртиын христианстволэн кылдэмез сярысь, черклэн православной удмурт калыклэн культуразэ лыдэ басьтэмез сярысь, богослужебной книгаосты удмурт кылэ берыктон историзы сярысь вералоз. Ужрадэ пыриськисьёс удмурт кылын вашкала печатлам книгаосын тодматскозы – нырысетӥ Евангелиосын (XIX даурын поттэм),  «Сочиненiя принадлежащiя къ грамматике вотского языка» нырысетӥ тодослыко грамматикаен, кылосбур тодосъёсъя докторлэн, протодиакон Михаил Гаврилович Атамановлэн выль богослужебной литератураез удмурт кылэ берыктэмъёсыз сярысь тодозы.

 

Озьы ик лекциосын Удмуртиысь монастырьёслэн историзы сярысь верамын луоз но черкын ужасьёслэн – Сарапулысь епископлэн, священномученик Амвросийлэн, Алексей (Кузнецов) Сарапулысь архиепископлэн, Серафима игуменьялэн но мукет Удмуртиысь тодмо черкен герӟаськем муртъёслэн – улон сюрессы шараямын.

 

Лекциосы пыронэз дунтэк. Котькуд группалы дыр но нунал сярысь нимысьтыз вераськоно. Ужрадъёс ортчозы Элькунысьтымы духовно-нравственной дышетонъя колледжын (Свердлова ур., 9).

 

Кылзӥсьёслэн чаклам арлыдзы – 12+.

 

Юанъёсын Удмурт Элькунысь йӧскалык библиотекалэн шер пумиськись но дуно документъёсын ёзэтаз вазиськоно (Пушкинской ур., 200, 17 б.; тел. (3412) 78-39-53; е-mail: rbook@unatlib.org.ru). Юано Лариса Александровна Дмитриеваез.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru