Версия для слабовидящих

Лыдӟиськон кунокуаын Полина Гладыш гожъяськисен пумиськон

Лыдӟиськон кунокуаын Полина Гладыш гожъяськисен пумиськон

28-тӥ куарусёнэ 18 часэ Удмурт Элькунысь йӧскалык библиотекалэн Лыдӟиськон кунокуааз егит гожъяськисен Полина Гладышен пумиськон ортчоз. Полина Гладыш тодмо луиз «Аст» книгапоттониын «Онлайн-бестселлер» сериын Ли Виксен кушемнимын потэм «Меня зовут Лис» нимо книгаеныз.

Полина вордскиз но быдэ вуиз Ижкарын журналистъёслэн семьяязы. УдГУ-ысь Мерлыко кусыпъёсъя институтэз быдтыса, Ижысь пӧртэм СМИ-осын но карысьтымы бадӟым компаниослэн маркетинг службаосазы ужаз.

 

Книга лавкаосын тупась литература ӧжыт луэмен сэрен, 25 аресъем нылашлэн книга гожтон мылкыдыз потӥз, угось тросгес пумисько гольтрес «”золушка”выллем яратон историос». Полиналы уг тырмы вал кужмо героиня, кудӥз аслаз шугъяськонъёсыз пыр потыны но дуннеез шуг-секытъёслэсь мозмытыны быгатэ. Соин нылаш сыӵе героиняез фэнтези амалэн ачиз кылдытыны малпаз.

 

Та нуналлы гожъяськисьлэн нырысетӥ книгаезлэн кык вариантэз вань. «Проза.ру» порталын «Лисий чертог» книгаез лыдӟыны луоз, отын книгалэн люкетъёсыз поттэмын. Печатлаку нош  книгалэсь нимзэ воштӥзы, валтӥсь героиняез нимысьтыз висъяса но авторлэсь ас нимзэ ватыса. Бумагаен поттэм версиысь егит гожъяськисьлэн лыдӟисьёсыз нылаш-ожмаськисьлэн историезлэсь азьланьтонзэ тодыны быгатӥзы. Книгалы туж удалтӥз: та дырозь куинь тираж потӥз ини, огъя лыдъяса 9000 экземпляр, соосты туж ӝог басьяло. Библио-Глобусын книгалэн тодэтъёсаз «Лидер продаж» шуыса пусъемын вал, нош LiveLib сайт солы «Бестселлер» пус пуктӥз.

 

Удмурт Элькунысь йӧскалык библиотекалэн Лыдӟиськон кунокуааз онлайн-бестселлерлэн авторез вералоз ачиз но гожъяськон сямъёсыз сярысь, «Красная площадь» книга фестивале но Москваысь XXVIII калыккуспо книга ярмарка-адӟытонэ пыриськемез сярысь, но маиз тужгес тунсыкоез – Лис сярысь «Охотник за волками» кыкетӥ книгаез сярысь, кудӥз 2016-тӥ арлэн пумаз потыны дасяське.

 

Пумиськон «ЛИФТ» нимо карысь проектъёсъя штабын ортчоз (Лыдӟиськон кунокуалэн нимлыко юрттӥсез) таӵе адресъя: Пушкинской ур., 216.

 

Пыронэз дунтэк. Возьмаськомы вань мылкыд карисьёсты.

Похожие материалы (по тегу)

21.09.18

Встреча в литгостиной «Книжная среда» с поэтом Иваном Маловым (о. Иоанном)

19 сентября в литературной гостиной Национальной библиотеки УР «Книжная среда» состоялась творческая встреча с поэтом Иваном Маловым (о. Иоанном).

20.08.18

Презентация нового поэтического сборника Т. Репиной «Плотность воздуха»

17 августа в Штабе городских проектов «Лифт» на заседании литературной гостиной НБ УР «Книжная среда» состоялась презентация нового поэтического сборника Татьяны Репиной «Плотность воздуха» (С.-Пб., 2018).

31.05.18

Презентация «Альманаха современной поэзии Удмуртии#1» в литературной гостиной «Книжная среда»

30 мая на очередном заседании литературной гостиной Национальной библиотеки УР «Книжная среда» состоялась презентация «Альманаха современной поэзии Удмуртии#1».

28.04.18

Встреча в литгостиной НБ УР «Книжная среда» с Алексеем Моровым

26 апреля на заседании литературной гостиной Национальной библиотеки УР «Книжная среда» состоялась встреча с Алексеем Моровым, психологом, переводчиком и поэтом.

15.01.18

Литгостиная НБ УР «Книжная среда» с молодым поэтом Татьяной Репиной

12 января в литературной гостиной Национальной библиотеки УР «Книжная среда» прошел творческий вечер молодой поэтессы и прозаика Татьяны Репиной.

Яндекс.Метрика

Возник вопрос?

Будем рады вам помочь
Подробнее