184
Адӟытонын 1784-тӥ арын II-тӥ Екатеринаен юнматэм Сарапул карлэн нырысетӥ пуктӥськон планэныз тодматскыны луоз, озьы ик 1909-тӥ арын потэм планэн, кудъёсыз пыр карлэсь воштӥськемзэ, вӧлмемзэ эскерыны луэ.
Н. Н. Блиновлэн «Сарапул. Исторический очерк» (1887, авторлэн автографеныз!) но «Сарапул и Среднее Прикамье» (1908) книгаосысьтыз адӟыны луоз XIX-тӥ даурлэн пумаз но XX-тӥ даурлэн кутсконаз кызьы адӟисько вал Воскресенской черк (1817), тыл кысон каланча (1887), тодмо частной коркаос, кыл сярысь, А. П. Башенинлэн коркаез (1904) яке П. Ф. Корешевлэн коркаез (1907).
1911-тӥ арын потэм «Город Сарапул: календарь, обозрение города, общественная жизнь, адрес-календарь» но мукет книгаосысь тодматскыны луоз революциялэсь азьло адямиослэн улонэнызы. Вашкала рекламаосысь тодыны луэ маин вузаськиз И. В. Адамов но К° нимо вузаськонни, И. И. Зоринлэн винно-колониальной лавкаез яке Сарапулысь потребитель обществолэн лавкаез; кыӵе кунокуаосын улӥзы XX-тӥ дауре Сарапулэ вуись куноос, кӧня сылэ вал номерез но ма пыре вал дуназ; кыӵе дышетсконниосын дышетскизы покчиос но трос мукетсэ. Адӟытонэз XIX–XX дауръёсысь туспуктэмъёс узырмыто.
Возьмаськомы вань мылкыд карисьёсты.