Версия для слабовидящих

А. В. Новиковлэн «Город Ижевск свеж и дорог» книгаезлы презентация

А. В. Новиковлэн «Город Ижевск свеж и дорог» книгаезлы презентация

30-тӥ инвожое 16 часэ Удмурт Элькунысь йӧскалык библиотекалэн шаертодон но йӧскалык литературая но библиографияя центрын «Тӧро сэрег» проект улсын Анатолий Васильевич Новиковлэн «Город Ижевск свеж и дорог» выль книгаеныз тодматскон ортчоз.

Анатолий Васильевич та книга бордын берпуметӥ нуналозяз ужаз. Йылаз-пумаз вуттӥз Удмурт Элькунысь йӧскалык библиотекалэн шаертодон но йӧскалык литературая но библиографияя ёзэтысь валтӥсь библограф, лулчеберет удысысь дано ужась Елена Анатольевна Иванова. Книгалэн йыръяназ – «Город Ижевск свеж и дорог» – тодмо палиндром кутэмын (бур палась паллян пала но паллян палась бур пала ог кадь лыдӟиське). Книгалэн жанрез – «шаертодон шедьтосъёс, тодэ ваёнъёс». Издание таӵе люкетъёсы люкемын: «Память: гордость и боль», «Прекрасные лица врачей», «Мои раритеты», «Самая трудная наука – научиться жить». Со сяна быдэс люкет – «Умение чувствовать ребят: (о педагогическом мастерстве А. В. Новикова) – авторезлы сӥземын, татчы пыризы Людмила Шмаковалэн «Мотоцикл постоянно разбирался и собирался ребятами» статьяын тодэ ваёнъёсыз, госавтоинспекторлэн, журналистлэн, гожъяськисьлэн но шаертодонъя ӧнерчилэн Виктор Федорович Татариновлэн «Знакомьтесь: ГАИ» книгаысьтыз «Эстафета поколений» статьяез. А. В. Новиковлэн берпуметӥ шаертодонъя пичи форматэн изданиез бордын ужамез сярысь вералоз «Анигма» книгапоттонилэн йырыз Нигмадзян Мухаметханович Аглямутдинов.

 

Ужрадын выставка ужалоз, отысь А. Новиковлэн мукет ужъёсыныз тодматскыны луоз – «Золотой ларец», «Увлечение – души лечение», «Память о Пушкине», озьы ик изданиос, кудъёсаз Новиковлэн паськыт бичетысьтыз материалъёс уже кутэмын, соос пӧлын Сергей Николаевич Селивановскийлэн «Старый Ижевск. События и люди в объективе фотографов», «П. И. Чайковский и Удмуртия» библиографической указатель но трос мукет. Со сяна адӟытонын луозы Комсомол Удмуртии нимо егитъёслэн автомотоклубзы сярысь статьяос, соин ас дыръяз А. Новиков кивалтӥз, автор сярысь литература, туспуктэмъёс но архивысьтыз тӥрлыкъёс.

 

Пумиськонэ Ижысь тодмо краеведъёс, коллекционеръёс, издательёс пыриськозы, «Край удмуртский» клублэн ёзчиосыз, лулчеберет удысын ужасьёс.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru