Версия для слабовидящих

Удмурт Элькунысь йӧскалык лыдӟиськонни «Радищев. Путешествие из Петербурга в Сибирь» интернет-проектэ пыриськиз

Удмурт Элькунысь йӧскалык лыдӟиськонни «Радищев. Путешествие из Петербурга в Сибирь» интернет-проектэ пыриськиз

Удмурт Элькунысь йӧскалык лыдӟиськонни Б. Н. Ельцин нимо Президентской библиотекалэн (Санкт-Петербург) «А. Н. Радищев. Путешествие из Петербурга в Сибирь»  интернет-проектаз пыриськиз.

2015-тӥ арын А. Н. Радищевлэн тужгес тодмо «Путешествие из Петербурга в Москву» гожтосэзлы 225 ар тырмиз. Издание потэмез бере ик лыдӟыны лэземын ӧй вал, авторзэ Сибыре келязы.

 

Б. Н. Ельцин нимо Президентской лыдӟиськоннилэн Томскысь улосвыло центрез та интернет-проектэз ӵектӥз но радъяз. Проектлэн азьмугез: Сибыр сюрес вылын сылӥсь интыосы А. Н. Радищевлэн вуылэмез сярысь тунскыко фактъёсты возьматон, XVIII-тӥ даурлэн пумаз Россиетӥ виртуальной путешествие кылдытон, кудзэ котькудӥз мылкыд карись «Радищевлэн синмыныз» адӟыны быгатоз.

 

Проект улсын улосвыло библиографи ужъёсын сводной электрон корпус кылдытэмын, кудаз Поволжьеысь, Уралысь но Сибырысь лыдӟиськонни центръёс, озьы ик Удмурт Элькунысь йӧскалык лыдӟиськонни пыриськизы.

 

Али дыре интерактивной карталэн «удмурт» люкетэз «Александр Николаевич Радищев. Путешествие из Петербурга в Сибирь» сайтэ пуктэмын ини. А. Н. Радищевлэн дневниказ Сибыр тракт вылын сылӥсь (али дыре – Глаз, Дебес, Игра, Селта но Сюмси ёросъёсысь) гуртъёсы пырамез сярысь фактъёс но малпанъёсыз гожтэмын. Быдэс текстъёсъя источникъёсын библиография новозьматэмын.

 

Томскысь ужъюлтошъёслэн ӵектэмзыя, «Удмуртия в конце XVIII века», «Увековечение памяти А. Н. Радищева в Удмуртии», «Образ А. Н. Радищева в литературе и искусстве Удмуртии» люкетъёс бордын ужан 2016-тӥ арын азьланьтӥськоз. Текстъёсты но иллюстрациосты дасянэ Йӧскалык но шаертодон литературая но библиография центрын, документъёсты цифра амалэ поттонъя, автоматизация но технической обслуживания ёзэтъёсын ужасьёс пырисько.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru