Версия для слабовидящих

«Войнаысь ивор» газетлэн нырысетӥ номерез Удмурт Элькунысь йӧскалык лыдӟиськоннилэн фондаз

«Войнаысь ивор» газетлэн нырысетӥ номерез Удмурт Элькунысь йӧскалык лыдӟиськоннилэн фондаз

20-тӥ шуркынмонэ «Удмурт дунне» газетлэн сю аресъем юбилеезлы сӥзем «Национально-региональная пресса в системе СМИ России» научно-практической конференциын «Войнаысь ивор» газетлэн нырысетӥ номерез (4-тӥ тулыспал 1915-тӥ ар) Удмурт Элькунысь йӧскалык лыдӟиськоннилэн фондаз сётэмын.

«Войнаысь ивор» – удмурт кылын нырысетӥ газет. Вяткаын потыны кутскиз. Со лыдӟисьёслы Нырысетӥ дунне ожлэн мынэмез сярысь ивортылӥз, удмуртъёслэн улонзы сярысь гожъяз. 1917-тӥ арын 15-тӥ гудырикошконысен «Удморт» нимын потыны кутскиз, мукетаз арын нырысь «Виль Синь», собере «Гудыри» нимаськиз. 1930-тӥ арысен газет «Удмурт коммуна» луиз,1943-тӥ арын – «Советской Удмуртия»,1992-тӥ арысен – «Удмурт дунне».

 

Газетлэсь нырысетӥ поттэтсэ «Удмурт дуннелэн» редакциезлы Марий-Элысь кивалтэт, В. М. Васильев нимо кылъя, литературая но история пор институт но «Марий Эл» элькун газет сётӥзы. «Удмурт дунне» газетлэн валтӥсь редакторез З. К. Рябинина, «Войнаысь ивор» газетэз Удмурт Элькунысь йӧскалык лыдӟиськоннилы кузьмакуз пусйиз, изданилэсь дауръем сресэзлэсь кутсконзэ возьматӥсь номерез утён газетлэн быдэс коллективезлы туж кулэлыко шуыса.

 

Йӧскалык но шаертодон литературая но библиография центрлэн кивалтӥсез А. Л. Семёнова тау кариз но Йӧскалык лыдӟиськоннилэн потэм изданиосты утёнын бадӟым опытэз ини (вань дуно но шер пумиськылӥсь документъёсын ёзэтэз, Документъёсты утёнъя региональной центрез), газетлэсь кӧчырзэ Удмурт Элькунысь йӧскалык электрон библиотекае пыртон трос адямиослы юрттоз шуиз.

 

Трос аръёс ӵоже Йӧскалык лыдӟиськонниен вачеужанэз пусйыса, солэн кивалтӥсезлы Т. В. Тенсиналы З. К. Рябинина Таукарон гожтэт сётӥз.

 

Туспуктэмъёс «Удмурт дунне» газетлэн редакциезлэн

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru