Версия для слабовидящих

Wiki-сайт «Воршуд»: выль версия

Wiki-сайт «Воршуд»: выль версия

Удмурт Элькунысь йӧскалык лыдӟиськоннилэн вить ар талэсь азьло кылдытэм «Воршуд» пректэзлэн сайтэз (удмурт лулчеберетъя вики-энциклопедия) выль кабесэн потӥз.

Выльдэм дизайнэз йӧс суредъёс узырмыто. «Знаете ли вы», «Популярное», «Опрос», «Новые статьи», «Как стать участником проекта» люкетъёс усьтэмын.

 

Таяз арын кылдытэм «Удмуртская литература» но «Композиторы Удмуртии» люкетъёс азьланьтӥсько. Нырысетӥез XVIII–XXI даурысь удмурт литературалэн историезлы сӥземын но котькуд вакытысь гожъяськисьёслэсь удысбурзэс усьтэ. Со сяна, статьяосын литературая списокъёс но Удмурт Элькунысь йӧскалык электрон библиотека вылэ чӧлсконъёс сётэмын. Кыкетӥ люкетэ (Удмурт Элькунысь крезьгурчиослэн огазеяськонзылэн юрттэменыз) крезьгурчиос сярысь биобиблиографической ивортодэт пыремын, авторлэн произведениосызлэн лыдметэз Удмурт Элькунысь йӧскалык электрон библиотекаысь «Удмуртская музыка» коллекция вылэ чӧлсконъёсын сётэмын. Азьланяз «Художники Удмуртии» люкет кылдоз на.

 

Удмуртиысь тодмо адямиос но соослэн ужзы, удысбурзы, улон сюрессы сярысь «Удмуртские звезды» люкетысь материалъёсын трос тунсыкъясько (2015-тӥ арын 11 толэзь куспын 68,5 сюрс учкон). 89 сюрс пала пользовательёс выль йӧскалык книгаосты возьматӥсь «Удмуртские книги» люкетэ пыразы. ISSUU.com онлайн-сервисэз уже кутыса, татын книгаосысь люкетъёсын тодматскыны луэ, ас малпанэз вераны, словарной статьяос Йӧскалык электрон библиотекаысь но мукет интернет-ресурсъёсысь быдэс текстъем документъёс вылэ чӧлсконъёсын сётэмын.

 

«Фотоколлекции» люкетэн но кулэяськон бадӟым (61 сюрслэсь трос). Берлоосыз материалъёс Удмурт Элькунысь декоративно-прикладной искусствоя но ӧнеръя йӧскалык центрлэн юрттэменыз возьматэмын. Туспуктэмъёсын альбомъёс Flikr.com хостингын сётэмын.

 

«Воршудэз» ӟечгес но тунсыкогес карон азьланьтӥське. Йӧскалык лыдӟиськонни эшъёсызлы материал сётэмзы понна тау каре но мыло-кыдо пользовательёссэ проектэз тырмытонэ пыриськыны ӧте.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru