Версия для слабовидящих

Удмурт Элькунысь йӧскалык электрон лыдӟиськоннилэн коллекциосыз Europeana-ын

Удмурт Элькунысь йӧскалык электрон лыдӟиськоннилэн коллекциосыз Europeana-ын

Удмурт Элькунысь йӧскалык электрон библиотекалэн коллекциосыз, кудӥз кылдытэмын но азьланьтӥське Удмурт Элькунысь йӧскалык лыдӟиськонниен, ATHENA проект улсын Europeana европейской цифровой библиотекае пыремын.

Пӧртэм лулчеберет удысъёсысь (библиотекаосысь, музейёсысь, архивъёсысь) ивортодэто ресурсъёсты огазеянлы юрттыса, ATHENA европейской проектлэн азьмугез пӧртэм контентэз Europeana европейской цифровой библиотекае пыртон, Европалэн узыр лулчеберет кылёсбурез сярысь ивортодэтэн ужаны луонлык сётон луэ.

 

Удмурт Элькунысь йӧскалык лыдӟиськоннилэн Europeana проектэ пыриськемез удысужлыко но тодослыко финн-угор сообществоослэсь но трос мукет Интернет пользовательёслэсь удмурт кылын материалъёсын (соос пӧлын ик дуно но шер пумиськылӥсь документъёс) ужаны луонлыксэс паськытатоз.

 

Европейской цифровой библиотекаын Удмурт Элькунысь йӧскалык электрон лыдӟиськоннилэн «Книжные памятники Удмуртии» коллекциысьтыз материалъёс возьматэмын, кудаз «Свод книжных памятников Удмуртской Республики» огинэтэ пырись но XIX даурлэн пумаз – XX даурысь 30-тӥ арозь потэм документъёс пыремын: этнографъёслэн калык кылосъёсын ужъёссы, дышетскон книгаос, кыллюкамъёс, духовной изданиос, удмурт литератураысь классикъёслэн нырысетӥ изданиоссы, озьы ик Удмуртия понна мер, тодос но лулчеберет удысын тужгес кулэлыко луись удмурт но ӟуч кылын документъёс.

 

Удмурт Элькунысь йӧскалык лыдӟиськоннилэн коллекциысьтыз 111 документъёсын Удмурт Элькунысь йӧскалык электрон библиотекаысь публикациос вылэ чӧлсконъёсъя ужаны луэ.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru