Версия для слабовидящих

«У матерей святая должность в мире...» адӟытонэз усьтон

«У матерей святая должность в мире...» адӟытонэз усьтон

26-тӥ шуркынмонэ 16 часын Свято-Михайловской соборлэн улӥ храмаз (К. Маркс ульча, 220-тӥ юрт) Россиын пусйиськись Анайлэн нуналэзлы сӥзем «У матерей святая должность в мире...» адӟытонэз усьтон ортчоз. Ужрадэз Удмурт Элькунысь йӧскалык библиотека Ижевской но Удмуртской епархиен ӵош радъязы.

Кышномурт-анай трос дауръёс ӵоже данъяське ини. Россиын Анайлэн нуналыз Кун Думаысь кышномуртъёслэн, семьялэн но егитъёслэн ужъёссыя комитетэзлэн ӵектэмезъя 1998-тӥ арысен пусйиськыны кутскиз. Шуркынмонлэн берпуметӥ арнянуналаз кунмылэн вань улосъёсаз пӧртэм ужрадъёс, концертъёс, пумиськонъёс ортчо.

 

Ужрадэ Удмурт Элькунысь социальной, семейной но демографической политикая министерствоын но Лулчеберетъя но туризмъя министерствоын ужасьёс, Удмурт Элькунлэн Тӧроезлэн но Кун Кивалтэтэзлэн Администрациысьтыз гражданской меръя институтъёсты азинтонъя ёзэтаз ужасьёс но мк. Куноос но адӟытонэз радъясьёс анайлыкъя но пинал дыръя кун политика, Ӟуч Православной Черклэн семьяослы но анайёслы юрттэтсы, дунне искусствоын анайлэн образэз сярысь вералозы.

 

Адӟытонэ Удмурт Элькунысь йӧскалык библиотекалэн фондысьтыз книгаос пыризы. «Прошу вас, берегите матерей!» нимо нырысетӥ люкетысь изданиос анайлыкез но пинал дырез утёнъя институтлэн кылдэмез но азинскемез сярысь ужъёсын тодмато. «Прекрасна мать с ребенком на руках» кыкетӥ люкетын анаез религиозной но светской суреданын искусствоведческой эскеронъёс, иллюстрациосын изданиос но книга-альбомъёс возьматӥськозы. Ӟуч классической но кунсьӧр чеберлыко литература, кудъёсаз усьтэмын анайлэн образэз, «Слово это – древнее, святое!» люкетын сётэмын. Адӟытонэз миниатюрной изданиос но обросъёс узырмытозы.

 

Ужрадын кылбуръёс, инструментальной но вокальной произведениос чузъяськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru