Версия для слабовидящих

«Почва. Урожай. Экология» адӟытонэз усьтон

«Почва. Урожай. Экология» адӟытонэз усьтон

22-тӥ коньывуонэ 16 часын Удмурт Элькунысь йӧскалык лыдӟиськонниысь техника но гурт удыс литературая ёзэтын (30 лет Победы ульча, 14) Музъемлы сӥзем калыккуспо арлы сӥзьыса «Почва. Урожай. Экология» адӟытон усьтӥськоз.

Музъем (почва) – ачиз выльдӥськисьтэм инкуазь ваньбур, сое утён инкуазь сӧзнэтъёслэн но мерлыклэн азинсконазы туж кулэлыко луэ. Туннэ нуналлы антропогенной факторъёслы луыса (каръёслэн будэмзы, нюлэсъёсты коран, музъемез но музъемваньбурез шонертэм кутон) музъем тужгес но утемез кулэ каре. Тодосчиослэн, экологъёслэн, почвоведъёслэн калыккуспо огазеяськонзы Музъемлы сӥзем арын та ужпумъёслы саклык висъяны, соос сярысь калык пӧлы вӧлмытыны куре.

 

Адӟытонэ пыриськозы Гурт удысъя Ижкарысь кун академиысь, Гурт удысъя научно-исследовательской институтысь, «Удмуртский» Агрохимцентрысь тодослыко ужасьёс но тодосчиос.

 

«Почва. Урожай. Экология» адӟытонлэн «Наука о почве» люкетаз музъемез эскеронлы сӥзем изданиос (В. В. Докучаевалэн, В. Р. Вильямслэн, Г. И. Танфильевлэн, И. П. Герасимовлэн, К. Д. Глинкалэн ужъёссы), монографиос, дышетскон книгаос, тодослыко журналъёсысь статьяос, тодослыко конференциосысь материалъёс возьматэмын.

 

«Почвы и эффективное землепользование» люкетэ музъемлэн ӟечлыкезлы, сое утёнлы но юнматонлы, озьы ик Удмуртиын музъемен ужан ужпумъёслы сӥзем книгаос но статьяос пыризы.

 

«Почвы и экология» люкет монографиосын, учебникъёсын, тодослыко бичетъёсысь статьяосын (озьы ик Гурт удысъя Ижкарысь кун академиысь агрохимия но почвоведения кафедраын ужасьёслэн публикациосынызы), тодослыко журналъёсысь материалъёсын возьматэмын. Соос музъемлэн котырвылосэз утёнын интыез, солэн экологической югдурен герӟаськемез сярысь верало (кылсярысь, Удмурт Элькунын). Куд-ог ужъёсын атмосфералэн кырсёмемез нюлэскысь музъемъёс вылын шӧдӥськемез, мувӧй поттонэн но мукет мугъёсын сэрен Удмурт Элькунысь но Предуральеысь музъемъёслэн воштӥськемзы эскерисько.

 

Ужрадэ пыриськисьёс адӟытонлэн пуштросэзъя асьме кунысь но быдэс дуннеысь ивортодэто ресурсъёсын тодматскыны быгатозы, кудъёсыныз Удмурт Элькунысь йӧскалык лыдӟиськонниысь Техника но гурт удыс ивортодэтъя центрын ужаны луэ.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru