Версия для слабовидящих

Покчиёзо классъёслы «Лыдӟон книга» учебникъёслэн презентацизы.

Покчиёзо классъёслы «Лыдӟон книга» учебникъёслэн презентацизы.

28-тӥ коньывуонэ 16 часын  «Удмурт шаер» клублэн  заседанияз покчи классъёслы «Лыдӟон книга» учебникъёслэн презентацизы ортчоз. Ужрадэз дасясьёс – Удмурт Элькунысь йӧскалык  библиотекаысь Йӧскалык но шаертодон литературая но библиография центр но Удмурт Элькунысь Дышетон удысысь йӧскалык ужпумъёсты тодон-эскеронъя институт.

Учебникъёсты кылдытон бордын ужамзы сярысь вералозы авторъёс – Удмурт Элькунысь дышетон удысысь сӥё-дано ужась, Ашальчи Оки нимо йӧскалык премилэн лауреатэз, Можгакарысь педагогической колледжысь дышетӥсь Татьяна Сергеевна Иванова но Удмурт Элькунысь дышетонэз азинтонъя институтысь удмурт кылосбуръя но йӧскалык кылъёсъя кафедралэн старшой преподавателез Тимирзянова Ирина Фёдоровна. «Лыдӟон книга» учебникен урокъёсын ужамзы сярысь вералозы дышетӥсьёс.

 

Ужрадэ пыриськозы Удмурт Элькунысь лулчеберетъя но туризмъя министерствоын, Йӧскалык политикая министерствоын, Дышетонъя но тодосъя министерствоын ужасьёс, Вань удмуртъёслэн «Удмурт кенеш» ассоциацилэн, Удмурт Элькунысь гожъяськисьёслэн огазеяськонзылэн ёзчиоссы, Удмурт кун университетысь дышетӥсьёс.

 

Ужрадлы дасямын луоз «Удмурт литература но школа кусыпъёс» книга адӟытон. Учебникъёс сяна, возьматэмын на тодослыко бичетъёсысь статьяос, кудъёсаз авторъёс удмурт литератураез школаын дышетонэз эскеро, дышетскон книгаосты сэртто-пертчо (И. Ф. Тимирзянова «Улонлэсь куронъёссэ чакласа», Н. И. Ураськина «О некоторых аспектах разработки учебников регионального и этнокультурного содержания на современном этапе», С. Т. Арекеева «Становление методики преподавания удмуртской литературы в школе»; Л. П. Фёдорова «Развитие методики преподавания удмуртской литературы в школе. 1941–2000 гг.»).

 

Ужрад ортчоз удмурт кылын (Удмурт ульча, 264-тӥ юрт).

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru