Версия для слабовидящих

Лыдӟиськон кунокуа шуркынмонэ

Лыдӟиськон кунокуа  шуркынмонэ

5-тӥ шуркынмонэ 18 часын Удмурт Элькунысь йӧскалык библиотекалэн Лыдӟиськон кунокуааз егит кылбурчиен, М. А. Кастрен нимо обществолэн литературая премиезлэн лауреатэныз Богдан Анфиногеновен пумиськон ортчоз.

Таяз аре Хельсинкиысь мер огазеяськонэн радъям вожвылъяськонэ финн-угор кылын гожъяськись 33 писательёс пыриськизы. Куинь номинациын – нылпиослы но егитъёслы литература, кылбурет, пичи проза – 2010-тӥ ар бере потэм произведениос возьматэмын вал. «Кылбурет» номинациын вормисе потӥз Богдан Анфиногенов.

 

Богдан УдГУ-ысь истори факультетэз йылпумъяз, али дыре – История, кылъя но литературая удмурт институтлэн аспирантэз, ужа «Калык творчествоя Элькун коркан – егитъёслэн юртазы» методист луыса. Богдан Анфиногенов кылбуръёсыз сярысь вера: «Кылбуръёс пичи дырысен гожъясько, нош удмурт кылын 18 аресысен гинэ ай кутски гожъяны. Вожвылъяськон сярысь финн эшъёсылэсь тодӥ, заявкаме тулыс сётӥ. Премия басьтӥ «Айшет Будущего» книга понна, кудзэ аслам коньдонэным поттӥ. Ичи лыдъем калыклэсь лулчеберетсэ тунсыко карон – со секыт уж, со понна кылэз тодыны кулэ. Сое мон ачимъя валай. Нош удмурт лулчеберетэз азинтон понна луэ но кулэ мар ке выльзэ но йӧспӧртэмзэ лэсьтыны».

 

Ужрад ортчоз Удмурт кун филармонилэн конференц-залаз (Пушкинской ульча, 245).

 

Возьмаськомы вань мылкыд карисьёсты.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru