Версия для слабовидящих

Сергей Есенинлэн 120 арес тырмонэзлы сӥзем ӝыт

Сергей Есенинлэн 120 арес тырмонэзлы сӥзем ӝыт

13-тӥ коньывуонэ 15 часын Удмурт кун филармонилэн конференц-залаз (Пушкинской ульча, 245-тӥ юрт) Сергей Есенинлэн 120 арес тырмонэзлы сӥзем литературно-музыкальной ӝыт ортчоз, кудзэ Удмурт Элькунысь йӧскалык лыдӟиськонни Россиын Литературалы сӥзем арлы тупатыса радъя.

Сергей Есенин – кылбуретлэн Азвесь даур вакытысьтыз одӥгез тужгес паймымон ним. Кин со – крестьян пи, карын юмшась яке эстет? Кызьпуос сярысь кырӟась яке ӟуч стихез выльдӥсь? Со императрицалы кылбуръёс лыдӟиз но революцилэсь вормонзэ данъяз. Есенинлэн вылӥ быгатонлыкез пӧртэм йӧскалыко, арлыдо, пӧртэм удысысь но культураысь адямиослэсь сюлэмзэс бугыртэ. Сергей Есенинлэн кылбуретэз –  вераськонлэн кылбуретэз, соин со ас бордаз магнит кадь кыске. Есенинлэн улон сюресэз но аспӧртэмлыко вал: куамын ар куспын кылбурчи кема аръёс ӵоже улэм адями мында лэсьтыны вуиз.

 

Ужрадэз нуисьёс кылбурчилэн улон но ужан сюресысьтыз тужгес тунсыко фактъёсты вералозы, со сярысь тодэ ваёнъёсын тодматозы. С. Есенинлэн кылъёсызъя кырӟанъёсты но романсъёсты быдэстозы «Амадей» ансамбль но кылбурчи Герман Ким. Куноос Есенинлэсь гожтэм куаразэ кылозы, кытын со лыдӟе «Пугачёв» поэмаысь Хлопушалэсь монологзэ. Ужрадэ пыриськисьёслэсь выступлениоссэс узырмытозы архивысь кадръёс но видеоматериалъёс, соос пӧлын ик Удмурт Элькунысь йӧскалык лыдӟиськонниын ужасьёсын дасям видеосюжет, кудаз Ижкарын улӥсьёс Есенин но солэн творчествоез сярысь верало, кылбуръёссэ лыдӟо.

 

Ужрадлы «Певец страны берёзового ситца» адӟытон дасямын. Книгаос пӧлын – вить томен академической «Летопись жизни и творчества С. А. Есенина» но 1995–2000-тӥ аръёсы сизьым томъем люкам сочинениос пӧлысь берпуметӥез издание, литературатодос но мемуарной литература (А. А. Волковлэн «Художественные искания Есенина», Б. Т. Грибановлэн «Женщины, которые любили Есенина» книгаоссы, «Сергей Есенин глазами современников» но «Любовь и смерть Сергея Есенина» бичетъёс но мк.).

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru