Версия для слабовидящих

Лицеистлэн нуналэзлы сӥзем ужрадъёс

Лицеистлэн нуналэзлы сӥзем ужрадъёс

19–24-тӥ коньывуонэ Удмурт Элькунысь йӧскалык лыдӟиськонни Ижкарысь 24-тӥ номеро гимназиен ӵош Лицеистлэн нуналэзлы сӥзем арня ортчытэ.

Котькуд ар 19-тӥ коньывуонэ асьме кунын Лицеистлэн нуналэз пусйиське. Со 1811-тӥ арын Императороской Царскосельской (бӧрысьгес – Александровской) лицей усьтонлы сӥземын. Пушкинэн данъям дышетон ужъюрт трос тодмо гожъяськисьёсты, тодосчиосты, дипломатъёсты, военначальникъёсты будэтӥз.

 

Арнялэн программаяз:

 

  • «Лицейский круг: история, традиции, выпускники» адӟытон, кудӥз шаерчилэн, УАССР-ысь сӥё-дано дышетӥсьлэн Анатолий Васильевич Новиковлэн «пушкинской» коллекциысьтыз арбериосын, книгаосын, живописен, скульптураен; Удмурт Элькунысь йӧскалык лыдӟиськоннилэн шер пумиськылӥсь но дуно документъёсын ёзэтаз утиськись Императорской Александровской лицейлэн библиотекаысьтыз книгаосын; Ижкарысь коллекционерен Валерий Николаевич Ардышевен люкам открыткаосын, монетаосын, бонъёсын тодматоз;

 

  • Адӟытонъя экскурсиос, кудъёсаз Россиын лицейын дышетонлэн традициосыз сярысь лекциос лыдӟиськозы, кылсярысь, Царскосельской (Александровской) лицейын кунгожсьӧр кылъёсты дышетонлэн стандартъёсыз сярысь; лицеез 1899-тӥ арын йылпумъямъёс но одӥгез соос пӧлысь – Ижкарлэн историяз гожтэм Константин Густавович Эмме сярысь.

 

  • «Проба пера: письмо ученическими перьями» интерактивной ужрад, кудаз А. В. Новиковен пӧртэм кунъёсысь люкам чернильницаосын но тылыосын коллекция возьматӥськоз, озьы ик тылыен гожъяськонлэн техникаеныз тодматскыны луоз.

Адӟытонъя экскурсиос ортчытӥськозы азьвыл гожтӥськыса Йӧскалык лыдӟиськонниысь кунгожсьӧр кылъёсын литературая ёэтын но таӵе телефонъёсъя : 72-89-09, 8-919-912-98-20 (Огородникова Людмила Вениаминовна).

 

Ужрад 24-тӥ номеро гимназиын ортчоз (Советской ульча, 23-тӥ юрт).

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru