Версия для слабовидящих

Удмурт Элькунысь йӧскалык лыдӟиськонниын ужасьлэн Финно-угроведъёслэн XII-тӥ калыккуспо конгрессазы пыриськемез

Удмурт Элькунысь йӧскалык лыдӟиськонниын ужасьлэн Финно-угроведъёслэн XII-тӥ калыккуспо конгрессазы пыриськемез

17–21-тӥ гудырикошконэ 2015-тӥ арын Финно-угроведъёслэн XII-тӥ калыккуспо конгрессылэн (International Congress for Finno-Ugric Studies) ужаз, кудӥз Оулу (Финляндия) карын ортчиз, Удмурт Элькунысь йӧскалык лыдӟиськонниысь Йӧскалык но шаертодон литературая но библиография центрлэн кивалтӥсез А. Л. Семёнова пыриськиз.

Финно-угроведъёслэн конгрессы – финн-угор калыкъёслэсь кылзэс но лулчеберетсэс эскерись ӧнерчиослэн вылӥ тодослыко пӧртэм дисциплинаосъя форумзы. Нырысетӥ калыккуспо форум 1960-тӥ арын Будапештын (Венгрия) ортчиз.

 

2015-тӥ арын кызьлэсь трос секциосы но симпозиумъёсы 21 кунъёсысь 400 пала куноос пыриськизы. Кылсярысь, симпозиумлэн одӥгез темаез «Language technology through citizen science» («Лингвистические технологии посредством гражданской науки») библиотекаын ужанлы сӥземын вал. Сое Финляндиысь йӧскалык лыдӟиськонниысь тодослыко ужась Юсси-Пекка Хаккарайнен Хельсинки университетысь Джек Рютер профессорен но Тромсё университетысь (Норвегия) Тронд Тростеруд тодослыко ужасен ӵош радъязы. Йӧскалык интернет-ресуръёс, лингвистической корпусъёс кылдытонын библиотекаослэн интызы но луонлыкъёссы сярысь вераськизы.

 

Форуме пыриськисьёс финн-угор калыкъёс сярысь туспуктэмъёсын адӟытонэз но фильмъёс, Тартуысь калык крезьгуръя коллективлэсь концертсэ учкизы, Оулу окрестностьысь Юликииминки черкогуртэ экскурсие вуылӥзы.

 

Финно-угроведъёслэн XIII-тӥ калыккуспо конгрессы (Конгресслэн ӧриезлэн пуктэсэзъя) 2020-тӥ арын Австриын Венаысь университетын ортчоз.

 

                                                                                                   Пыр-почгес – Конгресслэн сайтаз

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru