Версия для слабовидящих

Лыдӟиськон кунокуа куарусёнэ

Лыдӟиськон кунокуа куарусёнэ

11-тӥ куарусёнэ 19 часын Удмурт Элькунысь йӧскалык библиотекалэн Лыдӟиськон кунокуааз Ижкарысь кылбурчиосын Татьяна Репинаен но Александр Митряковен пумиськон луоз. Ужрад Нылпиослы но егитъёслы элькун лыдӟиськонниын (Пушкинской урам, 200) ортчоз.

Кызь вить аресъем Татьяна Репина Удмурт кун университетысь кылосбуръя факультетэз йылпумъяз, али дыре – Краковской университетысь культурология факультетлэн магистрантэз. Кылбуръёс гожъяны вазь кутскиз. Солэн «Монография» нырысетӥ книгаез шер шедьтымон ини, нош Петербургын потэм «Без глав» бичетсэ басьтыны быгатӥзы соос, кинъёс «Читай, Ижевск» фестивальын Удмурт Элькунысь йӧскалык лыдӟиськонниен радъям автограф-сессие пыриськизы. Татьяналэн кылбуръёсыныз (Сетьын «Та. Репина» ник улын) мерлыко вотэсъёсын но «Стихи.ру» сайтын тодматскыны луэ.

 

Александр Митряков озьы ик Удмурт кун университетэз йылпумъяз, истори тодосъёсъя кандидат, археолог, путешественник, культуртрегер, Ижкарысь визьбурлыко шудонъёсъя клубе пыриськисьёс пӧлын адскымон адями. Солэн кылбуръёсыз но эссеосыз «Италмас» журналын печатласько (лыдӟоно Йӧскалык электрон лыдӟиськонниысь). Александр но, Татьяна но «Брезентовая цапля» нимо кылбурето лыдӟонъёсы пыриськылӥзы.

 

Лыдӟиськон кунокуаын, кудӥз ортчоз «De urbi et orbi» («Кар но дунне сярысь») нимын, вераськозы, кызьы ас пушкыськыд карын улӥсез утчано, кызьы бусыосын, салонъёсын, вагонъёсын заметкаос гожъясько... Одно ик кылбуръёс чузъяськозы. Ужрадэ школьникъёс, студентъёс, литературая обозревательёс но критикъёс, Татьяна Репиналэн но Александр Митряковлэн творчествоенызы тунсыкъяськисьёс, кылбуретэз яратӥсьёс пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru