Версия для слабовидящих

2016-тӥ арын Удмуртиын пусйымон нуналъёсын календарь

2016-тӥ арын Удмуртиын пусйымон нуналъёсын календарь

Удмурт Элькунысь йӧскалык лыдӟиськонни «Знаменательные и памятные даты Удмуртии. 2016» выль электрон издание дасяз.

«Знаменательные и памятные даты Удмуртии» юрттэт печатлосэз Удмурт Элькунысь йӧскалык лыдӟиськонни 1963-тӥ арысен поттэ ини, 2005-тӥ арысен – электрон кабен. Календарь йӧскалык но шаертодон литературая но библиография центрлэн шаертодон библиография секторезлэн весь выльдӥськись но ватсаськись «Календарь» электрон базаез вылэ инъяськыса кылдытӥське. Изданиын котькуд дата бордысен печатлам источнике чӧлскон сётэмын; датая, предметъя, фамилия но инты нимъя утчаны луонлыкъёс вань.

 

Календаре 253 дата пыремын, кудъёсыз шаермылэсь историзэ, экономической, мер, тодос но лулчеберет улонзэ, пӧртэм удысъёсын тодмо луэм адямиослэсь котырес лыдпуссэс возьмато.

 

2016-тӥ арын Удмуртия нырысетӥ удмурт грамматикаез кылдытӥсьлы Вениамин Пуцек-Григоровичлы 310 арес тырмонзэ пусъе, солы изданиын нимаз статья висъямын. Мукет юбиляръёс пӧлын: Удмурт Элькунысь сӥё-дано тренер А. А. Сунцов, филологи тодосъёсъя доктор Р. Ш. Насибуллин, ИжГТУ-ысь сӥё-дано профессор М. М. Черных, Россиысь сӥё-дано суредась П. В. Ёлкин, кылбурчи Владислав Кириллов (Кирла Лади) но мукет.

 

Издание кун кивалтэтлэн ёзэтъёсаз ужасьёслы, журнал-газетъёсын, тодос, дышетон но лулчеберет учреждениосын ужасьёслы кулэ луыны быгатэ, озьы ик ваньмызлы, кин шаермылэн историеныз тунсыкъяське.


Календарез басьтон пумысен Удмурт Элькунысь йӧскалык лыдӟиськонниысь Йӧскалык но шаертодон литературая но библиография центре вазиськоно: Удмурт ульча, 264; тел. (3412) 72-89-09; е-mail: okful@unatlib.org.ru.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru