Версия для слабовидящих

«Гаджет для бабушки» акция

«Гаджет для бабушки» акция

28-тӥ куарусёнысен 1-тӥ коньывуонозь Удмурт Элькунысь йӧскалык лыдӟиськонни но «ВКонтакте» мерлыко вотэсысь «Волонтёры Ижевска» группа Арлыдоослэн нуналзылы тупатыса «Гаджет для бабушки» акция ортчыто.

Акцилэн меретэз – арлыдоослы ноутбукъёс, планшетъёс, сотовой телефонъёс но зарядной устройствоос, ридеръёс, плееръёс сётон.

 

Акцилэн ужпумез: выль технологиосты арлыдоос пӧлын вӧлмытон, соосты лыдӟиськонние кыскон, библиотекалэсь но волонтёръёслэн валче ужанзэс радъян.

 

Вань мылкыд карисьёс вужгес, но ужась гаджетъёссэс Ижкарысь арлыдоослы дунтэк сётыны быгато. Со понна 30-тӥ куарусёнозь 19-тӥ часозь лыктоно таӵе адресъя: Удмурт ульча, 264-тӥ юрт но «Волонтеры Ижевска» организацилэсь гаджетэз сётэм сярысь актсэ гожтоно.

 

1-тӥ коньывуонэ 10 часын – Арлыдоослэн нуналазы – Удмурт Элькунысь йӧскалык лыдӟиськонниын (Ломоносова ульча, 9-тӥ юрт) арлыдо адямиослы гаджетъёс сётӥськозы.

 

Йӧскалык лыдӟиськонниысь «Электрон лыдӟиськон зал» ёзэтын ужасьёс мылкыд карисьёслы гаджетъёсын ужаны дышетон семинар радъялозы.

 

Акцилэн ортчемез сярысь «ВКонтакте» мерлыко вотэсын «Гаджет для бабушки» группаысь но Удмурт Элькунысь йӧскалык лыдӟиськоннилэн сайтысьтыз тодыны луоз.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru