Версия для слабовидящих

Удмурт Элькунысь йӧскалык лыдӟиськонни быдэс Россиын ортчись адӟытонъёсы пыриське

Удмурт Элькунысь йӧскалык лыдӟиськонни быдэс Россиын ортчись адӟытонъёсы пыриське

8–10 куарусёнэ Удмурт Элькунысь йӧскалык лыдӟиськоннилэн Техникая но гурт возёсъя ивортодэт сётӥсь центрез быдэс Россиын ортчись «Энергетика. Энергосбережение», «Машиностроение. Металлургия. Металлообработка», «Нефть. Газ. Химия», «ЖКХ. Инженерные сети» адӟытонъёсы пыриськоз.

Таӵе адӟытонъёсты котькуд аре Удмурт Элькунысь Кивалтэт, Ижкарлэн администрациез, Удмурт торгово-промышленной палата но «Удмуртия» выставочной центр радъяло.

 

Удмурт Элькунысь йӧскалык лыдӟиськонниын ужасьёс промышленной отрасльёсъя асьме кунысь но быдэс дуннеысь ивортодэт ресурсъёс сярысь электрон презентация возьматозы. Со ресурсъёсты Техникая но гурт возёсъя ивортодэт сётӥсь центре вазиськыса шедьтыны луэ. Озьы ик Центрлэн юрттэтъёсыз сярысь информационно-рекламной буклетъёсын тодматозы. Вань мылкыд карисьёсты Удмурт Элькунысь йӧскалык лыдӟиськоннилэн сайтысьтыз электрон каталогъёсын но базаосын ужаны (кылсярысь, БД «Энергетика. Энергопотребление и энергосбережение», «Нефть и газ», «Машиностроение», «Ресурсы Интернета»), web-сервисъёсты (виртуальной лыдӟиськон зал, online-бронирование, иворъёсын рассылкаос, ужкагазъёсты электрон кабен лэзьян, виртуальной справка но мк.) ужазы кутыны дышетозы.

 

Адӟытонъёс таӵе адресъя ортчозы: Ижкар, Кооперативной ульча, 9.

 

 

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru