Версия для слабовидящих

Россиысь Кун куншетлэн нуналэзлы

Россиысь Кун куншетлэн нуналэзлы

22-тӥ гудырикошконэ пусйиськись Росси Федерациысь Кун куншетлэн нуналэзлы сӥзьыса, Удмурт Элькунысь йӧскалык библиотекаысь лыдӟиськисьёсын ужанъя ёзэтын «Под символом славным могучей державы» книга адӟытон радъямын.

22-тӥ гудырикошконэ 1991-тӥ арын Москваын Тӧдьы корка вадьсын нырысетӥзэ куинь буёло росси флаг ӝутэмын вал. Со сюрлоен но молотэн горд куншетэз воштӥз. Нуналэз пусъён Росси Федерациысь Азьмуртэзлэн «О Дне Государственного флага Российской Федерации» Указэныз тупатэмын (1714 номеро 20.08.1994 арысен).

 

Адӟытонын росси кун символика сярысь изданиос (М. П. Голованова, В. С. Шергин «Государственные символы России»; «Герб и флаг России. Х–ХХ века» бичет; Н. А. Соболева «Очерки истории российской символики: от тамги до символов государственного суверенитета» но мукет), озьы ик пӧртэм ожмаськонъёсын вормонъёс сярысь книгаос (Е. В. Тарле «Русский флот и внешняя политика Петра I», Л. В. Митрошенкова «На Бородинском поле») возьматэмын.

 

Тунсыко иллюстрациосын узырмытэм «Символы и награды Российской державы» альбом, кудаз Кун кунпуслэн, кункрезьлэн, куншетлэн кылдон сюресэз, вошъяськемез но пӧртэмлыкез возьматӥське, Росси кунэз юнматон понна ӟеч ужъёс лэсьтэм адямиослэн биографизы сётӥське.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru