Версия для слабовидящих

Нырысетӥ дунневыл ожмаськон вакытъёсы Россилэн историез сярысь выль книгаос

Нырысетӥ дунневыл ожмаськон вакытъёсы Россилэн историез сярысь выль книгаос

29-тӥ пӧсьтолэзьысен 10-тӥ гудырикошконозь Йӧскалык библиотекалэн лыдӟиськисьёсын ужась ёзэтаз (Удмуртская ул. , 199) «Последняя война Российской империи (1914–1918)» адӟытон ужалоз. Татын  Нырысетӥ дунневыл ожмаськонлэн кутсконысеныз 100 ар тырмонэзлы дасям книгаос возьматэмын луоз.

Нырысетӥ дунневыл ожмаськонлэсь 100 арес тырмонзэ кылем арын туж паськыт пусйизы. Та дырлы огъя Росси но пӧртэм историко-архивной но научной учреждениослэн проектъёссы улсын (соос пушкын Российское военно-историческое общество, Институт общественной мысли, Институт российской истории РАН но мк.)трос гинэ выль эскеронъёс, монографиос, энциклопедиос, биографической словарьёс, архивысь ужкагазъёсын бичетъёс печатламын вал. Нырысетӥ дунневыл ожмаськон сярысь книгаос таяз арын но печатласькемысь уг дугдо ай. «Последняя война Российской империи» адӟытон 1914–1918 аръёсы Россилэн историез сярысь Йӧскалык библиотекалэн фондъёсаз вуэм выль книгаосты возьматэ.

 

«Россия в Первой мировой войне 1914–1918 гг.» сериын таӵе пӧртэм изданиос потӥзы: «Первая мировая война в оценке современников: власть и российское общество. 1914–1918» политикая ньыль томъем энциклопедия; Санкт-Петербургысь университетлэн кык томъем «Россия в стратегии Первой мировой войны» изданиез; Пушкинский Домлэн люкамъёсызъя дасям тунсыко «Первая мировая война в устном и письменном творчестве русского крестьянства» издание, кудаз войнае пыриськем крестьянъёслэн но казачестволэн тодэ ваёнъёссы, кырӟанъёслэн но частушкаослэн кылъёссы пыртэмын.

 

Тунсыко А. С. Тумановлэн «Общественные организации России в годы Первой мировой войны (1914 – февраль 1917)» монографиез, «Первая мировая война» энциклопедической словарь, куинь томъем бадӟым форматэн дасям «Россия в Первой мировой войне. 1914–1918» энциклопедия, кудаз Росси Империлэн ож но политика удысын кивалтӥсьёсыз сярысь, армилэн но флотлэн валтӥсь командной составез сярысь, тодмо общественной но политической ужасьёс сярысь  биографической статьяос пыремын, озьы ик ожмаськонлэн историез сярысь, тылын уж но улон сярысь статьяос, трос пӧртэм архивысь туспуктэмъёс.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru